Fota z telehram-kanała Śviatłany Cichanoŭskaj

Fota z telehram-kanała Śviatłany Cichanoŭskaj

U liście Cichanoŭskaja napisała, što admiena sankcyj pryniasie Pucinu i Łukašenku finansavuju pieradyšku i falšyvaje adčuvańnie pieramohi.

Heta ŭmacuje ichnuju pierakananaść, što hvałt akuplajecca i pryviadzie da novych represij u Biełarusi i bolšaj ahresii va Ukrainie.

Cichanoŭskaja miarkuje, što błakada ŭkrainskich partoŭ pavinna być nieadkładna źniataja. Mienavita heta, a nie pasłableńnie sankcyj, zabiaśpiečyć dostup ukrainskaha zbožža na suśvietnyja rynki.

Taksama jana adznačaje, što pazicyja AAN pavinna być vyrazna sfarmulavanaja: treba akazvać cisk na Rasiju, a nie na Ukrainu i na biełaruski narod canoj ich biaśpieki i budučyni jak niezaležnych i suvierennych krain.

Łukašenka, na dumku Cichanoŭskaj, straciŭ zdolnaść prymać suvierennyja rašeńni, jaho nie ličać minimalna nadziejnym bokam dla zaklučeńnia pahadnieńniaŭ. Jon straciŭ subjektnaść, nie havoryć i nie dziejničaje ad imia biełaruskaha naroda.

Tamu zamiest taho, kab zdymać sankcyi z Łukašenki, ich, naadvarot, nieabchodna ŭzmacnić, pašyryć ich miežy i palepšyć ich vykanańnie.

Клас
18
Панылы сорам
0
Ха-ха
3
Ого
0
Сумна
0
Абуральна
4