Jak piša vydańnie, Fiedasiejeŭ ros u šmatdzietnaj siamji ŭ vioscy Vialiki Sabsk Vołasaŭskaha rajona, u jaho byli dva braty i siastra. Jahonaja maci hadavała dziaciej adna, paśla taho jak u 2004 hodzie jahony baćka pamior. Padčas vučoby ŭ škole Anton dva hady pravioŭ u centry sacyjalnaha absłuhoŭvańnia, kudy dzieci traplali z-za «ciažkich žyćciovych situacyj» — jahonaja maci pačała vypivać.

Anton ź dziacinstva žyŭ z defiektam nosa-z-za taho, što padčas rodaŭ pupavina abmatała jamu tvar. Tamu adrazu paśla naradžeńnia jamu daviałosia rabić terminovuju apieracyju. Jak pišuć «Sievier.Riealii», jon saromieŭsia svajho vonkavaha vyhladu, jaho maraj było zrabić płastyčnuju apieracyju, «kab nos u jaho staŭ jak va ŭsich».

Zarabić na heta ŭ vioscy było niemahčyma. Tamu, skončyŭšy terminovuju słužbu ŭ vojsku, jon padpisaŭ kantrakt. Jahonaja siastra Alona raskazała, što heta byŭ adziny realny sposab zarabić hrošaj.

Pa słovach siastry Fiedasiejeva, u pačatku traŭnia jon telefanavaŭ joj, kab raspavieści pra dobry zarobak, dziakujučy jakomu jon moža ciapier dapamahać hrašyma maci. A 19 maja zahinuŭ, patrapiŭšy pad artabstreł u Charkaŭskaj vobłaści. Dadomu, pišuć «Sievier.Riealii», Fiedasiejeva pryvieźli ŭ cynkavaj trunie z akiencam, praź jakoje vidać tvar niabožčyka. Zahinułaha nienadoŭha pakazali svajakam i pachavali 25 maja.

Pa słovach siastry zahinułaha, ciapier ułady dapamahajuć ich siamji z afarmleńniem dakumientaŭ na vypłaty za hibiel brata:

«Spraścili, tak by mović, praces. A toje, što ŭ trunach viartajucca… Ja nie viedaju, ci patrebna nam była hetaja śpiecapieracyja, ja nie raźbirałasia ŭ hetym, navat nie čytaju naviny. Mienš viedaješ — macniej śpiš».

Čytajcie taksama:

Ad hienierałaŭ da dobraachvotnikaŭ. Što za rasijanie hinuć na vajnie?

Junyja, biednyja, miortvyja. Žurnalisty skłali partrety zabitych rasijskich vajskoŭcaŭ

«Buratam zdajecca, što ŭdzieł u vajnie ŭzvyšaje ich da ruskich». Čamu rasijskija nacmienšaści tak achvotna jeduć vajavać va Ukrainu

Клас
3
Панылы сорам
49
Ха-ха
3
Ого
0
Сумна
17
Абуральна
5