Ihar Fiodaraŭ šmat hadoŭ pracavaŭ inžynieram-miechanikam na «Avijacyjnym ramontnym zavodzie» u Baranavičach. Ale paśla padziej žniŭnia 2020 hoda Ihar razam ź inšymi zavadčanami aktyŭna vykazvaŭ svaju hramadzianskuju pazicyju, pryciahvaŭsia da administracyjnaj adkaznaści pavodle art. 23.34 i art. 24.3 KaAP. Paśla hetaha ź im nie praciahnuli kantrakt, a paśla jon i zusim vymušany byŭ emihravać, bajučysia kryminalnaha pieraśledu, paviedamlajuć pravaabaroncy.

Znachodziačysia ŭ emihracyi, Ihar raspaviadaŭ u intervju Intex-press, što sumuje pa Radzimie i žyvie nadziejaj viarnucca. Ale taho, što jon vyrašycca pryjechać u Biełaruś napiaredadni refierendumu, nichto ź jaho siabroŭ i znajomych nie čakaŭ.

Viadoma, što viarnucca ŭ Biełaruś jon vyrašyŭ paśla pačatku vajny va Ukrainie. Znachodziačysia na miažy, jon napisaŭ u sacyjalnych sietkach post:

«Ja viartajusia, kab skazać «nie» vajnie i biezzakońniu, znachodziačysia ŭ svajoj rodnaj krainie. Rabiaty, kolki my budziem tryvać heta? Ja tak hanaryŭsia tym, što ja biełarus u 2020-m, my ž, kali razabracca, tolki tady pa-sapraŭdnamu narodam i stali, a nie prosta ludźmi, jakija žyvuć u adnoj krainie. A ciapier mnie tak soramna, soramna, što my tolki pohladami i maŭčańniem pravodzim tanki, jakija jeduć zabivać ukraincaŭ, samaloty, jakija ŭźlatajuć z našych aeradromaŭ i rakiety, jakija laciać bambić ukrainskija harady. Viadoma, nie chočacca być zvolnienym, nie chočacca trapić na sutki, atrymać ahromnisty štraf ci dubinkaj pa azadku, strašna leźci pad humavyja kuli i śviatłašumavyja hranaty, ale našmat bolš strašna toje, što pa fakcie ciapier my źjaŭlajemsia maŭklivymi saŭdzielnikami zachvatu brackaha nam naroda, i ŭsie tyja, chto ŭžo zahinuŭ i chto jašče zahinie, buduć i na našym sumleńni taksama, kali my hetak ža praciahniem maŭčać… Asabista ja budu lepš siadzieć u turmie, z čystym sumleńniem, čym zapužanym, padaŭlenym, z zatknutym stracham rotam, u ciopłaj utulnaj kvatercy dzie-niebudź na Paŭdniovym u Baranavičach ci na ŭskrajku Krakava nazirać za ŭsim hetym p…om i ničoha nie rabić», — pisaŭ jon u sacsietkach.

27 lutaha 2022 hoda Ihar viarnuŭsia dadomu, kab paŭdzielničać u refierendumie. Jaho zatrymali kala vybarčaha ŭčastka i źmiaścili ŭ IČU u Baranavičach, a 2-ha sakavika pieraviali ŭ SIZA-6.

Jak prachodziŭ sud nad Iharam?

Sudździa Viktoryja Pakunova razhledzieła spravu za adzin dzień — 25 maja. 26 maja Fiodaravu byŭ vyniesieny prysud — dva hady pazbaŭleńnia voli ŭ kałonii ahulnaha režymu. Mienavita taki termin paprasiła pryznačyć pamočnica Baranavickaha mižrajonnaha prakurora Śviatłana Pasiemka.

U abodva dni ŭ zale suda prysutničała vialikaja kolkaść ludziej — kala 15 čałaviek. 

Ihara Fiodarava pryznali vinavatym u tym, što 24 lutaha 2022 hoda jon pakinuŭ pad fotazdymkam Łukašenki kamientaryj sa svajoj staronki ŭ Instahramie, jaki niehatyŭna aceńvaŭ Łukašenku.

Zhodna z tekstam abvinavačvańnia, metaj Fiodaraŭ staviŭ naniasieńnie škody aŭtarytetu ŭłady. Ekśpiertyza pryznała, što ŭ kamientaryi Łukašenka aceńvajecca niehatyŭna.

Mužčyna całkam pryznaŭ vinu. Jon raspavioŭ, što 24 lutaha byŭ u Polščy, pracavaŭ tam taksistam i žyŭ u adnym pakoi ŭ internacie z ukraincami. Kali susiedzi razbudzili jaho i paviedamili, što Rasija napała na Ukrainu, usie byli ŭ šoku. Bližej da abiedu jon praz emocyi napisaŭ abrazu pad fota, raźmiaściŭ u storyz i zabyŭ pra heta. Kali jon daviedaŭsia, što jaho zatrymali za abrazu, ździviŭsia: jon nie dumaŭ, što jahonyja słovy mohuć traktavacca takim čynam. Kali 27 lutaha jon viarnuŭsia ŭ Biełaruś dla hałasavańnia, kala škoły ŭbačyŭ babulu z płakatam — parazmaŭlaŭ ź joj i adyšoŭ. Paśla hetaha da jaho padjechali supracoŭniki i zatrymali jaho spačatku pavodle art. 24.23 KaAP, a ŭ adździaleńni — užo ŭ miežach Kryminalnaha artykuła.

Da spravy byli dałučanyja stanoŭčyja charaktarystyki Fiodarava ź miesca pracy i kala 40 hramat i dypłomaŭ — mužčyna — majstar sportu pa samba.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?