Vyhlad robata ElliQ. Krynica: wikipedia.org

Vyhlad robata ElliQ. Krynica: wikipedia.org

Siońnia ŭ ZŠA bolš za 14 miljonaŭ samotnych ludziej, starejšych za 65 hadoŭ. I hetaja ličba, zhodna z prahnozami, budzie tolki raści.

Hałoŭnaja prablema ŭ tym, što samota źnižaje jakaść i praciahłaść žyćcia.

Kiraŭnictva štata Ńju-Jork u jakaści ekśpierymientu nabudzie i raźmiarkuje robataŭ-kampańjonaŭ pa damach bolš čym 800 pažyłych ludziej.

Robaty nie dapamohuć fizična, ale zdolnyja vieści hutarku, źviazvacca ź blizkimi, adsočvać fizičnuju aktyŭnaść čałavieka i nahadvać prymać leki. Prajekt pryznačany dla samotnych ludziej starejšych za 75 hadoŭ, jakija karystajucca Wi-Fi i lubiać techniku.

Raspacoŭščyki robata, jaki nazyvajecca ElliQ, kažuć, što jon zdolny demanstravać empatyju i naładžvać siabroŭskija znosiny z karystalnikami. Robat zapaminaje važnyja detali z žyćcia karystalnika i padstrojvajecca pad jaho. Naprykład, ElliQ budzie bolej žartavać, kali karystalnik šmat śmiajecca.

Vykarystańnie robataŭ dla dohladu za pažyłymi ludźmi časta vyklikaje sprečki. Prychilniki kažuć, što robaty — nieabchodny instrumient, asabliva kali pablizu niama ludziej. Krytyki papiaredžvajuć, što robaty patencyjna mohuć zrabić čałavieka jašče mienš sacyjalizavanym, a ich vykarystańnie pakazvaje, što staryja dla dziaržavy nie nadta važnyja, bo jana kuplaje im tannych robataŭ zamiest realnaj dapamohi.

Pakul niama abjektyŭnaj acenki vysokatechnałahičnaha sposabu baraćby z adzinotaj. Niekatoryja daśledavańni pakazvajuć, što robaty mohuć być karysnymi, ale vialikich ekśpierymientaŭ na hety kont jašče nie było. Ńju-Jork budzie pieršym, i ad jaho zaležyć, ci buduć takija technałohii prymianiacca šyrej.

Jak zrabić tak, kab batarei ŭ telefonie chapała na daŭžej

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?