Dla ŭstupleńnia zakona ŭ siłu jaho zastałosia tolki padpisać Džo Bajdenu.
Pakiet praduhledžvaje vajskovuju, ekanamičnuju i humanitarnuju dapamohu Ukrainie.
Zakon prymaŭsia z peŭnymi pryhodami. U kancy krasavika prezident ZŠA Džo Bajden paprasiŭ Kanhres ZŠA vydzielić 33 młrd dalaraŭ na padtrymku Ukrainy ŭ vajnie z Rasijaj. Kanhres nie tolki ŭchvaliŭ hetuju sumu, ale navat pavialičyŭ jaje amal da $ 40 młrd. 11 maja Pałata pradstaŭnikoŭ pryniała zakon.
Tady sprava pierajšła da Sienata, i tady pačalisia niekatoryja prablemy. 12 maja sienatar Rend Poł zabłakavaŭ paskoranuju praceduru pryniaćcia hetaha pakieta dapamohi.
Ale hetamu chutka dali rady. 13 maja Pientahon paprasiŭ Sienat pieraadoleć błakavańnie dapamohi Ukrainie, tamu što jano moža paŭpłyvać na pastaŭki USU. I 16 maja Sienat padčas pracedurnaha hałasavańnia pieravažnaj bolšaściu padtrymaŭ zakonaprajekt ab dapamozie. Siońnia ž pastaŭlenaja apošniaja kropka ŭ jahonaj častcy pracy.
