«Jany pryjšli da vysnovy, što dypłamatyčnaje ŭrehulavańnie kanfliktu šlacham pieramovaŭ pamiž Ukrainaj i Rasijaj zapatrabuje nieadkładnaha spynieńnia bajavych dziejańniaŭ z boku Rasii i vyvadu rasijskich vojskaŭ z Ukrainy», — zajaviŭ aficyjny pradstaŭnik urada Niamieččyny Štefen Chiebieštrajt.
Pa mierkavańni Šolca, palityki taksama abmianialisia dumkami pra mahčymaści padtrymki Ukrainy i damovilisia zastavacca ŭ ciesnym kantakcie.
U svaju čarhu Zialenski nazvaŭ pieramovy z Šolcam «praduktyŭnymi».
«Abmierkavali situacyju na froncie, praciah cisku na RF, uzmacnieńnie žorstkaści sankcyj, pierśpiektyvy dasiahnieńnia miru. Cenim padtrymku Niamieččyny, u tym liku abaronnuju. Raźličvajem na dalejšaje sadziejničańnie Niamieččyny na šlachu Ukrainy da paŭnapraŭnaha siabroŭstva ŭ ES», — napisaŭ jon u Tvitary.