Fota: AP
«Na žal, pakul nie asabliva bačna, kab uzrasło razumieńnie nieabchodnaści skončyć z hetym jak maha chutčej», — skazaŭ Šolc u intervju niamieckamu telekanału RTL. Niamieččyna praciahnie pradastaŭlać Ukrainie ŭzbrajeńnie, paabiacaŭ Šolc. U pryvatnaści, jon čakaje davoli chutkaj pastaŭki abiacanych zienitnych samachodnych ustanovak «Hiepard». Ułady pa-raniejšamu šukajuć da ich prydatnyja bojeprypasy za miažoj, adznačyŭ jon.
«My taksama pastajanna pavinny ŭvažliva sačyć za tym, kab nie prymać rašeńni, jakija zrobiać nas bokam kanfliktu», — padkreśliŭ pry hetym Šolc.
Jon zapeŭniŭ, što nie dapuścić rašeńniaŭ, jakija mahli b pryvieści da pramoha kanfliktu pamiž NATA i Rasijaj, i znoŭ adchiliŭ ideju stvareńnia biespalotnaj zony nad Ukrainaj, jakaja zapatrabuje adpraŭki źniščalnikaŭ.
«Dla Rasii jość tolki adzin vychad z hetaha stanovišča — dasiahnieńnie pahadnieńnia z Ukrainaj», — zajaviŭ kancler.
Pavodle jaho słoŭ, heta nie aznačaje, što mir budzie dasiahnuty pad dyktatam, z dapamohaj zachopu častki terytoryi, a zatym patrabavańniem: «Padpišycie tut».
