Na pačatak maja najmalniki ŭ Minsku mieli patrebu ŭ 22 436 pracaŭnikach (miesiac tamu — u 22 799).
Sa śpiecyjalistaŭ bolš za ŭsio nieabchodnyja miedsiostry i daktary-śpiecyjalisty — 1142 i 919 čałaviek. Dla fielčaraŭ raźmieščanyja 133 vakansii.
U najmalnikaŭ u Minsku taksama zapatrabavanyja inžyniery (744 prapanovy), vychavalniki (243), mieniedžary (142), nastaŭniki (133), inžyniery-prahramisty (120), buchhałtary (118), ekanamisty (83).
«Sa śpiecyjalistaŭ najbolš zapatrabavanyja: miedycynskija rabotniki (miedycynskaja siastra, lekar, pamočnik lekara, pravizar, renthienałabarant, farmaceŭt, fielčar), inžyniernyja rabotniki, śpiecyjalisty ŭ śfiery adukacyi i kultury (artyst, biblijatekar, vychavalnik, pamočnik vychavalnika, vykładčyk, nastaŭnik), administratary, buchhałtary, mieniedžary, pierakładčyki, ekanamisty, elektramiechaniki, kiraŭniki arhanizacyj dy ich strukturnych padraździaleńniaŭ, śpiecyjalisty ŭ roznych śfierach», — raskazvajuć u kamitecie.
Dla rabočych na pačatak krasavika było 13,3 tysiačy vakansij, abo 59,5% ad usich prapanoŭ najmalnikaŭ. Siarod samych zapatrabavanych pracaŭnikoŭ — kuchary (616 vakansij), pradaŭcy (469), kiroŭcy aŭtamabilaŭ (458).
«U popycie na rabočyja kadry pieravažajuć prafiesii budaŭničaha profilu (mular, malar, tynkoŭščyk, ablicoŭščyk-plitačnik, ślesar-santechnik, stalar, elektrahazazvarščyk), pramysłovaści (ślesar miechanazboračnych rabot, tokar, frezieroŭščyk, elektramancior), transpartnaj śfiery (kiroŭca aŭtamabila, pahruzčyka, traktaryst), handlu i hramadskaha charčavańnia (kantralor-kasir, aficyjant, člen bryhady abjekta chutkaha absłuhoŭvańnia (restarana), kuchar, pradaviec)», — udakładniajuć u słužbie zaniataści Minska.
