Jak piša ISW, «takim čynam Ukraina, padobna, vyjhrała bitvu za Charkaŭ»: ukrainskija siły nie dazvolili rasijskim vojskam ačapić horad, nie kažučy ŭžo pra zachop.
Rasijanie pasprabujuć utrymać liniju na zachad ad Vaŭčanska, kab abaranić svaje naziemnyja linii suviazi (GLOCK) ad Biełharada da Iziuma, ale niezrazumieła, ci dabjucca jany pośpiechu.
Asnoŭnymi namahańniami rasijan pa-raniejšamu zastajucca sproby akružyć Sievieradanieck i Lisičansk z poŭnačy i z poŭdnia. Rasijskija vojski, jakija nastupali z kirunku Papasnaj, na praciahu sutak nie damahlisia istotnaha prahresu.
Rasijskija vojski adnavili nastupalnyja apieracyi ŭ napramku Słavianska, na 13 maja nie damahlisia prahresu.
Rasijanie ździejśnili jašče adzin biespaśpiachovy šturm Alaksandraŭki, imavierna, u novaj sprobie farsiravać Sievierski Daniec. U rasijan moža chapić śviežaj bajavoj mocy, kab kampiensavać hetyja straty i praciahnuć nastup u dosyć šyrokim maštabie.
