Kaciaryna pierajechała va Ukrainu ź Biełarusi ŭ kancy 2021 hoda. Kali pačałasia vajna, dziaŭčyna źjechała ŭ Litvu. Ale nie mahła siadzieć skłaŭšy ruki i vyrašyła dapamahać.
«Stała rabić toje, što ŭ mianie najlepš atrymlivajecca. Ja pracuju ŭ sacyjalnych sietkach, zrabiła prajekt psichałahičnaj dapamohi dla ŭkraincaŭ u Instahram. Pa znosinach ź ludźmi, jakija zastajucca va Ukrainie, zrazumieła, što im nie chapaje psichałahičnaj padtrymki.
A jašče, što samaje cikavaje, daloka nie ŭsie ludzi mohuć pravilna padtrymlivać. Mnohija takim čynam zadavalniajuć svaju patrebu ŭ tym, kab niešta rabić, ale nie fakt, što heta dapamahaje.
Sam prajekt poŭnaściu vałanciorski. Svaje asabistyja srodki ja vydatkoŭvaju na prasoŭvańnie, na tarhietynh», — kaža jana.
Pasty dziaŭčyna robić na ŭkrainskaj movie. Materyjał rychtujuć niekalki psichaterapieŭtaŭ.
«Adna ź ich, darečy, ukrainka, a druhaja biełaruska, — kaža Kaciaryna. —
Dla mianie było važna znajści prafiesijanałaŭ, jakija znachodziacca va Ukrainie i ŭ Biełarusi. Takija ludzi bolš razumiejuć, što zaraz treba. Plus u profil ja dadaju jašče mastactva dla taho, kab krychu abstrahavać ludziej. Šukaju vizuały ŭkrainskich mastakoŭ, ilustrataraŭ, jakija malujuć zaraz na temu taho, što adbyvajecca.
Pačynali my sa štodzionnych pastoŭ, a zaraz robim čatyry-piać u tydzień. U asnoŭnym u nas žanočaja aŭdytoryja».
Kaciaryna kaža, što jany nie čapajuć takija składanyja situacyi, jak zhvałtavańnie, naprykład — tut patrebna indyvidualna praca sa śpiecyjalistam. Ich rekamiendacyi najpierš dla masavaj psichałahičnaja dapamohi.
Čytajcie taksama:
«Što takoje čyhunka?» Biełarusy raspracavali dla ZSU test dla vykryćcia rasijskich dyviersantaŭ z «biełaruskimi pašpartami»
Vajna — kryž na družbie. Na hranicy Ukrainy, Rasii i Biełarusi demantujuć «Try siastry»
