Alaksandr Bialecki, pavodle infarmacyi vydańnia, zaraz pracuje dziciačym artapiedam-traŭmatołaham ŭ paliklinicy pry Minskaj rajonnaj balnicy, što ŭ pasiołku Baraŭlany.

Hrafik raboty ŭ jaho napružany: usie budnyja dni, akramia aŭtorka, — z 8.00 da 15.30, u aŭtorak — z 12.00 da 19.30.

U paliklinicy žurnalista zapeŭnili, što tałony na pryjom da doktara Bialeckaha jość, zapisacca možna na luby dzień. Kaniešnie, lepš nie chvareć, ale heta ŭnikalnaja mahčymaść, bo

pryjom viadzie nie prosta cudoŭny ŭrač, a akademik, jaki pravioŭ niekalki tysiač vysokatechnałahičnych apieracyj, raspracavaŭ novyja technałohii chirurhičnaha lačeńnia artapiedyčnaj patałohii tazaściehnavaha sustava ŭ dziaciej i padletkaŭ.

Alaksandr Bialecki vyjšaŭ na volu ŭ červieni 2021 hoda. Jon pravioŭ za kratami try hady. U lutym 2019-ha akademik byŭ asudžany na 7,5 hoda kałonii. Jon pryznaŭsia, što ŭ jakaści padarunka atrymaŭ 4 tysiačy jeŭra i 3 tysiačy dołaraŭ, ale nie ličyŭ hetyja hrošy chabaram. I chacia pry vobšuku ŭ jaho była znojdziena značna bolšaja suma (nazyvałasia ličba amal paŭmiljona dołaraŭ), ale paźniej hetyja hrošy Bialeckamu viarnuli.

Niahledziačy na sudzimaść, Alaksandr Bialecki zastajecca akademikam NAN Biełarusi. Navukovych zvańniaŭ i dziaržaŭnych uznaharod jon nie pazbaŭleny. Ale pavodle prysudu na praciahu piaci hadoŭ nie moža zajmać kirujučyja pasady.

Na svabodu vyjšli dva vysokapastaŭlenyja miedyki. Jany byli asudžanyja za karupcyju

«Sprava traŭmatołahaŭ»: niekalki čałaviek paśla kampiensacyi «škody» vyjšli ź SIZA, pracavać ich adpraŭlajuć u pryjomnyja pakoi

«Pa 300—650 tysiač jeŭra vyjavili», trapiŭsia navat doktar Łukašenki. Aficyjna — pra zatrymańni traŭmatołahaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?