Nieviadomyja namalavali litary Z na ścienach staroj sinahohi ŭ Babrujsku. Fota: «Viečiernij Bobrujsk»

Nieviadomyja namalavali litary Z na ścienach staroj sinahohi ŭ Babrujsku. Fota: «Viečiernij Bobrujsk»

Try litary Z byli namalavanyja siniaj farbaj na fasadnaj ścianie sinahohi, adna ź litar była «zadam napierad». Adrazu ž u subotni viečar nadpisy pasprabavaŭ admyć babrujčanin Dźmitryj, jakoha pra heta paprasiŭ siabra habrejskaj supołki.

Jak raspaviała miascovamu vydańniu «Viečiernij Bobrujsk» žycharka susiedniaha ź sinahohaj doma, nadpisy źjavilisia ŭ subotu 30 krasavika pamiž 18.00 i 20.00. Na bramie jaje doma taksama namalavali tyja samyja litary. Žančyna nikudy nie paviedamlała pra nadpisy, a ŭ niadzielu sama ich zmyła sa svajoj bramy.

Ačyścić ścianu sinahohi akazałasia bolš składana — atrymałasia tolki pry dapamozie śpiecyjalnaha srodku dla vydaleńnia łakafarbavych pakryćciaŭ. Dźmitryj sprabavaŭ zmyć farbu acetonam — nie atrymlivałasia, jana ŭjełasia ŭ pory i raskoliny cehły. Ź mietaličnaj ščotkaj sprava pajšła lepš. A nieŭzabavie pryvieźli śpiecyjalny vydalalnik łakafarbavych pakryćciaŭ, ź im i z upartaj pracaj ščotkaj sprava pajšła.

Dźmitryj sprabuje ścierci nadpisy. Fota: «Viečiernij Bobrujsk»

Dźmitryj sprabuje ścierci nadpisy. Fota: «Viečiernij Bobrujsk»

Babrujski rabin Šaul Chababa vyklikaŭ milicyju.

«Heta vielmi sumna, što znachodziacca ludzi, jakija tak siabie pavodziać, — skazaŭ rabin. — Heta miesca dla adpačynku dušy i cieła, ludzi adkryvajuć tut svaje sercy i molacca. I my molimsia z usimi za mir i dabro. Vialiki dziakuj tym, chto ačyściŭ naš pomnik!»

Reštki sinahohi XIX stahodździa ŭ Babrujsku na pierakryžavańni vulic Čanharskaj i Bacharava ciapier źjaŭlajucca muziejnaj placoŭkaj pad adkrytym niebam. Nazyvajecca jana «Habrejski dvoryk», była adkrytaja 4 žniŭnia 2019 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?