Viktar Orban. Fota: Reuters.com
Adzin z kiraŭnikoŭ krain ES zapatrabavaŭ dokazaŭ taho, što zabojstvy ŭ Bučy nie byli inscenavanyja. Pra heta ŭ intervju Bild zajaviŭ prezident Ukrainy Uładzimir Zialenski.
«Horšaje za ŭsio, z taho, što čuŭ Zialenski ŭ apošnija dni? Viadučy palityk ES chacieŭ atrymać ad prezidenta Ukrainy dokazy taho, što vajennyja złačynstvy ŭ Bučy nie byli insceniroŭkaj! Rytoryka, jakaja ŭ advarotnym vypadku zychodzić z Kramla. Na pytańnie reparciora Bild Runcchajmiera, ci źjaŭlajecca hety palityk staršynioj jeŭrapiejskaha ŭrada, Zialenski vyrazna adkazaŭ: Tak», — piša Bild.
Ukrainskija ŚMI paviedamlajuć, što havorka idzie pra premjer-ministra Vienhryi Viktara Orbana.
Sotni mirnych žycharoŭ horada zahinuli ad kul, kali Buča znachodziłasia pad kantrolem akupantaŭ. Mer horada skazaŭ pra minimum 320 achviaraŭ akupacyi. Paśla vyzvaleńnia nasielenaha punkta ŭvieś śviet pabačyŭ na vulicach i ŭ abstralanych damach dziasiatki ciełaŭ zahinułych, u niekatorych byli źviazanyja za śpinaj ruki.
Paśla źjavilisia videadokazy dačynieńnia rasijskich vojskaŭ da raspraŭ nad ukraincami.
Čytajcie taksama:
Fota i videa z Bučy analizuje sudmiedekśpiertka. Voś što jana pabačyła na strašnych kadrach
