Fota: Getty Images

Fota: Getty Images

«Možna raźbić šyby, uklučyć aciapleńnie i rabić vyhlad, što pryjšło leta», — cytuje Politico kiraŭnika łatvijskaha Centrabanka Marcińša Kazaksa.

«Rubiel pierastaŭ być svabodna kanviertujemaj valutaj. Takim čynam, jaho aficyjny kurs nie maje amal nijakaha značeńnia», — skazaŭ vydańniu Lika Korchanien, śpiecyjalist pa Rasii z Centrabanka Finlandyi.

Rasija pierakryła amal usie kanały adtoku valuty i adkryła na 80% kran jaje prytoku (z-za abaviazkovaha prodažu vyručki eksparcioraŭ).

Vynikam stała padvojnaść kursu — dzialeńnie valutnaha rynku na čorny i biržavy — i ŭmacavańnie rubla na biržy, dzie popyt štučna źnižany, a prapanova štučna zavyšanaja.

«Instrumienty, jakija vykarystoŭvajuć dla padtrymki rubla, pieratvarajuć jaho ŭ valutu paciomkinskaj vioski», — piša ahladalnik ahienctva Reuters Pjer Bryjansan.

Palityčna Kramlu važniejšy valutny kurs, čym tradycyjnyja dla raźvitych krain indykatary zdaroŭja ekanomiki: inflacyja i pracentnyja staŭki, bo «ŭ postsavieckaj historyi Rasii kurs rubla da dalara byŭ, mabyć, hałoŭnym ekanamičnym indykataram dla bolšaści hramadzian», — tłumačyć Bloomberg.

Stabilnaść kursu važnaja i dla pryciahnieńnia novych sajuźnikaŭ nakštałt Indyi, cytuje Politico adnaho z kiraŭnikoŭ Centrabanka Estonii Pietera Łukmiela.

«Hety simvaličny akt zaklikany pierakanać azijackija krainy padtrymać alternatyŭnuju apłatnuju sistemu. A dla hetaha im patrebnaja kazka pra stabilnuju suśvietnuju valutu», — skazaŭ jon.

Tolki hetaja stabilnaść pahražaje ŭstojlivaści ekanomiki ŭ cełym.

«Navat kali zdymuć sankcyi, usio roŭna jak tolki kurs adpuściać, jon abryniecca na dno jamy, u jakoj akazałasia ekanomika Rasii», — papiaredžvaje Bryjansan.

Клас
69
Панылы сорам
5
Ха-ха
21
Ого
2
Сумна
0
Абуральна
0