Ukrainskija ratavalniki dastali z-pad lodu mužčynu, jaki sprabavaŭ dastać troch palicejskich, jakija sprabavali dastać rybaka
Supracoŭniki ratavalnaj słužby ŭkrainskaha Dniapra dastali z-pad lodu na adnajmiennaj race piać čałaviek: rybaka, troch supracoŭnikaŭ palicyi, jakija sprabavali jaho vyratavać, i miascovaha žychara, jaki sprabavaŭ vyratavać čaćviarych papiarednich.
Rybak pravaliŭsia pad lod učora dniom. Palicejskija sprabavali vyciahnuć jaho, ale pravalilisia sami. Na dapamohu im pryjšoŭ miascovy žychar, ale i jon apynuŭsia pad lodam.
Usich piaciarych dastavali 13 ratavalnikaŭ pry dapamozie piaci adzinak techniki. Rybak, jaki pieršym pravaliŭsia pad lod, pamior u mašynie chutkaj dapamohi.