Prajekt maje try źviazanyja pamiž saboj kampanienty, jakija pryśviečanyja adradžeńniu biełaruskaj movy:
1. Donar.by, na jakim možna zavieści profil «donara biełaruskaj movy» i dzie možna «achviaravać» svoj hołas. Z dapamohaj donar.by tysiačy vałancioraŭ sabrali ŭžo 1000 hadzin biełaruskaha maŭleńnia dla Mozilla Common Voice, natreniravali kampjutar, kab jon moh razumieć biełaruskuju movu, i ahučyli ŭsie zadańni dla «Movy prafiesii». A ci jość tam vaš hołas?
2. Niepasredna mova.pro — mabilny dadatak, dzie možna praktykavać biełaruskaje maŭleńnie i prajści siertyfikacyju.
3. say.by, dzie možna pabačyć kampanii, jakija padtrymlivajuć biełaruskuju movu, i supracoŭniki jakich užo atrymali siertyfikaty, Na say.by možna znajści profili «donaraŭ movy» i navat pasłuchać, jak hučać ich hałasy.
Na hety momant jość nastupnyja śfiery:
- Kaviarni
- Kramy
- Zapraŭki
- IT
- Koł-centry
- Pivavareńnie
- Muzyka
- Asnovy
Hałoŭny pryncyp — dadatak razmaŭlaje z vami pa-biełarusku i prymušaje vas havaryć pa-biełarusku ź im. I, kaniešnie ž, chvalić vas, kali atrymlivajecca dobra!
U dadatku možna:
- Pasłuchać, jak hučyć słova ci vyraz
- Pasłuchać i abrać pravilnaje vymaŭleńnie
- Pračytać tekst ŭhołas
- Adkazać na pytańnie ŭhołas
- Paŭtaryć skazanaje
- Zapisać pad dyktoŭku
- Pieraličyć rečy na vyjavie
- Abrać vyjavu, jakaja adpaviadaje skazanamu
- Vyvučyć nieabchodnyja frazy
Akramia prafiesijnych śfieraŭ, dadatak znajomić z asablivaściami biełaruskaj fanietyki, asnovami vietlivaści dy inšymi ahulnymi temami.
Prahramu raspracoŭvali dziasiatki IT-śpiecyjalistaŭ, navukoŭcaŭ i movaznaŭcaŭ, a pravilnaść biełaruskaj movy ŭ zadańniach praviaraŭ Instytut movaznaŭstva imia Jakuba Kołasa.
Jašče na etapie beta-viersii niekatoryja supracoŭniki minskich kampanij prajšli siertyfikacyju, a ciapier, u dzień Rodnaj movy, zapuścili cikavuju supolnuju akcyju!
Pieršyja 80 čałaviek, jakija projduć siertyfikacyjnyja zadańni u śfiery kaviarniaŭ, atrymajuć biaspłatnuju kavu ad kaviarniaŭ «Nad Niamihaj», «Apostraf kava», «Łava Kavy», «Łaŭndž-Bar «SŁEŠ».
Paśla taho, jak čałaviek prachodzić siertyfikacyju, jamu prapanoŭvajucca miescy, dzie jašče zastałasia kava ŭ padarunak. U hetych miescach, budźcie ŭpeŭnienyja, z vami buduć razmaŭlać pa-biełarusku!
A voś kampanija AZS A-100 21-ha i 22-ha lutaha padoryć kožnamu źnižku ŭ 50% na chot-doh i zaličyć jaje na birulku, kali vy atrymajecie siertyfikat vałodańnia biełaruskaj movy.
Zabrać svaju kavu ci skarystacca źnižkaj možna da 28-ha lutaha.
Buduć dziejničać u hetyja dni i pavyšanyja «źnižki za movu». Kali vy budziecie razmaŭlać pa-biełarusku padčas zamovy, kampanija za heta padoryć źnižku. Naprykład, na AZS A-100 u dzień Rodnaj movy budzie 25% źnižka na kavu abo hryl, a ŭ kaviarni «Łava-kavy» — 50% na kavu.
Usio bolš i bolš kampanij pačynajuć padtrymlivać biełaruskuju movu, što dobra ŭsprymajecca biełarusami, jakija prahnuć adradžeńnia svajoj rodnaj movy!
