Fota: depositphotos.com.
Kali vy hatovyja prybrać staryja zapisy z sacsietak, mahčyma, vam taksama zachaciełasia b niedzie ich zachavać dla siabie. Voś što treba rabić.
U hetaj sacsietcy možna zaraz vydalić ci zaarchiviravać šmat pastoŭ, dyjałohaŭ, storys i videa roznaha farmatu. Kali vy niešta vydalajecie, infarmacyja źniščajecca, a kali archivirujecie, danyja zachoŭvajucca ŭ papcy, da jakoj majecie dostup tolki vy.
Spačatku treba zajści ŭ svoj profil u sacsietcy na smartfonie i adkryć mieniu ŭ vierchnim pravym vuhłu. Vybierycie varyjant «Vašy dziejańni», naciśnicie «Fota i videa» i prahledźcie ŭvieś svoj kantent. Dalej vybierycie toje, što vam chaciełasia b vydalić ci zaarchiviravać.
Taksama vy možacie vydalić svaje kamientary da pastoŭ inšych ludziej. U mieniu «Vašy dziejańni» vybierycie varyjant «Uzajemadziejańni», potym vyrašycie, što vy žadajecie vydalić: kamientary, łajki ci adkazy na storys.
U Instagram taksama možna zachavać archiŭ svaich dziejańniaŭ. Dla hetaha na sajcie Instagram.com adkrojcie svoj profil, vybierycie «Nałady», vybierycie mieniu «Kanfidencyjnaść i biaśpieka». Dalej naciśnicie «Zapytać fajł» u siekcyi «Spampoŭvańnie danych».
Kab prybrać svaje staryja pasty na hetym resursie, adkryjcie mieniu i vybierycie varyjant «Nałady i pryvatnaść», u novym mieniu naciśnicie «Žurnał dziejańniaŭ». Praź jaho vy zmožacie prahladać usiu svaju aktyŭnaść u sacsietcy.
Źviarnicie ŭvahu na varyjant «Aktyŭnaść, u jakoj vy paznačany» — jon dazvolić vam vydalić kamientary i fota, u jakich vas paznačyli inšyja karystalniki. Taksama ŭ mieniu jość varyjant «Uzajemadziejańni», z dapamohaj jakoha možna vydalać svaje łajki, reakcyi i kamientary.
Kab spampavać archiŭ svajoj aktyŭnaści na Facebook, u mieniu «Nałady» vybiarycie varyjant «Vaša infarmacyja na Facebook» i naciśnicie «Spampavać infarmacyju».
Hetaja sacsietka nie maje śpiecyjalnych funkcyj, jakija b dazvolili chutka vydalić šmat tvitaŭ. Kali vy žadajecie pačyścić svoj akaŭnt ad staroj infarmacyi, vam treba abo prahladać usie svaje tvity, kab znajści siarod ich stary, abo ŭ mabilnym dadatku ad Twitter znajści post pa klučavych słovach.
Mahčyma, było b lahčej u takim vypadku stvaryć novy akaŭnt. Abo pasprabujcie niejkija inšyja servisy, naprykład, TweetDelete. Ale takija resursy patrabujuć dostup da vašaha akaŭnta, tamu karystańnie imi moža być nie nadta biaśpiečnym.
Kali ž vy žadajecie zachavać archiŭ svajoj aktyŭnaści ŭ Twitter, adkryjcie mieniu «Nałady» i vybierycie varyjant «Vaš akaŭnt». Tam znajdzicie varyjant «Spampavać archiŭ vašych danych».
