Kaniečnie, režymnyja čynoŭniki sapraŭdnyja masaviki-zaciejniki, kali treba patłumačyć toje, što ŭsim i biez tłumačeńniaŭ zrazumieła, ale kazać pramym tekstam navat im nie kamilfo. Voś Ihar Karpienka tłumačyć, čamu členy kamisij na refierendumie ananimnyja:
«Ale nakolki nieabchodna voś hetyja danyja siońnia vystaŭlać, kali ŭ Respublicy Biełaruś nabyŭ moc zakon ab piersanalnych danych, ab abaronie piersanalnych danych? I jon užo ŭ niejkaj stupieni dyktuje peŭnyja svaje patrabavańni pa ŭniasieńni źmien i dapaŭnieńniaŭ u vybarčaje zakanadaŭstva».
Pavodle takoj łohiki, dziŭna, što i piersanalnyja danyja samoha Karpienki dy inšych členaŭ CVK nie zasakrečanyja. Chiba zakon dla ŭsich nie adzin? Dy i skład urada varta było b nie śviacić — ci ž tam nie žyvyja ludzi siadziać ź piersanalnymi danymi?
«Siońnia niama takoj nieabchodnaści na terytoryi, dapuścim, Viciebskaj vobłaści, viedać, chto tam uvachodzić u skład kamisii pa horadzie Minsku i h.d.».
I voś dziela takich mierkavańniaŭ, što na terytoryi Viciebskaj vobłaści niama nieabchodnaści viedać, chto ŭvachodzić u skład kamisii pa horadzie Minsku, pierastali publikavać na terytoryi Viciebskaj vobłaści, chto ŭvachodzić u skład kamisij pa Viciebskaj vobłaści. Zrazumieła, što heta i dziela taho, što niama nieabchodnaści na terytoryi horada Minska viedać, chto tam u kamisijach u Viciebskaj vobłaści i h. d.
I ŭsia hetaja pustasłoŭnaja ekvilibrystyka tolki dla taho, kab nie skazać vidavočnuju reč, što ŭ siońniašniaj Biełarusi členstva ŭ vybarčych kamisijach — nie honar, a hańba. I zasakrečvańniem proźviščaŭ hetych ludziej heta tolki dadatkova padkreślivajecca.
A ŭsio heta, padazraju, urešcie skončycca, jak zvyčajna ŭ padobnych vypadkach, hłabalnym źlivam bazy z proźviščami kudyści. I cikavaść da jaje budzie dobra razahretaja, usia kraina zachoča viedać svaich hierojaŭ.
Čytajcie taksama:
Navošta advarotny bok biuleteniaŭ na refierendumie zrabili kalarovym? Niečakanaje tłumačeńnie ad člena kamisii
Karpienka patłumačyŭ, čamu nie apublikavali proźviščy členaŭ kamisij. Jość novyja šmatabiacalnyja viersii
