Fota Bi-bi-si

Fota Bi-bi-si

Horka pisała ŭ sacsietkach, što papraŭlajecca paśla stanoŭčaha testu na karanavirus, ale pamierła praz dva dni paśla hetaha dopisu, paviedamlaje Bi-bi-si.

Syn śpiavački Jan Rek raspavioŭ, što Horka śpiecyjalna zaraziłasia karanavirusam, kali infiekcyja była vyjaŭlenaja ŭ jaho i jaho baćki. Rek i jaho baćka całkam vakcynavanyja, ale ŭsio roŭna padchapili virus u kancy śniežnia. Zamiest taho kab izalavacca, Horka zastavałasia ź imi pobač. Pry hetym śpiavačka pryščepak nie rabiła.

«Jana pavinna była izalavacca na tydzień paśla našaha stanoŭčaha dyjahnazu, ale jana ad nas nie adychodziła», — skazaŭ Rek.

Papraviŭšysia, śpiavačka płanavała atrymać kavid-propusk, nieabchodny ŭ Čechii dla ŭvachodu ŭ niekatoryja ŭstanovy, u tym liku ŭ kinateatry, bary i kafe. Za dva dni da śmierci Horka napisała, što papraŭlajecca. «Ciapier možna budzie pajści ŭ teatr, u saŭnu i na kancert», — dadała jana.

Ranicaj u niadzielu, u dzień svajoj śmierci, śpiavačka skazała blizkim, što pačuvajecca lepš i apranułasia dla prahułki. Ale raptam u jaje zabaleła śpina, i jana prylehła ŭ spalni. «Praź dziesiać chvilin usio było skončana. Jana zadychnułasia», — raspaviadaje jaje syn.

Hana Horka była vakalistkaj fołk-hurta Asonance, adnaho z najstarejšych u Čechii. Jana chacieła zarazicca virusam, kab paśla vyzdaraŭleńnia jaje pieramiaščeńnie ništo nie abmiažoŭvała, raspavioŭ jaje syn.

Jan Rek padkreślivaje, što choć jaho maci i nie była vakcynavanaja, jana nie prytrymlivałasia nijakich kanśpirałahičnych teoryj ab uźniknieńni virusa abo ab vakcynach. «Jana prosta addavała pieravahu zaražeńniu. Ni pra jakija mikračypy ci niešta padobnaje jana nie kazała», — raspaviadaje syn śpiavački.

Sprabavać pierakanać jaje zrabić pryščepku było biessensoŭna, pakolki na padobnyja razmovy jana reahavała vielmi emacyjna, dadaŭ Jan Rek.

Jon spadziajecca, što hetaja historyja pierakanaje bolš ludziej zrabić pryščepki. «Kali pierad vačyma jość prykłady z realnaha žyćcia, heta bolš pierakanaŭča, čym hrafiki i ličby. Ličbam ciažka spačuvać», — kaža jon.

Kolkaść novych vypadkaŭ zaražeńnia karanavirusam u Čechii ŭ sieradu dasiahnuła novaha piku — 28469 za apošnija sutki. Nasielnictva krainy składaje 10,7 młn čałaviek.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?