Laškievič raskazaŭ, što ŭ pačatku studzienia hetaha hoda lažaŭ u Kruhlanskaj centralnaj rajonnaj balnicy ŭ infiekcyjnym adździaleńni. Siem hadoŭ pamiaškańni byli zakansiervavanyja, a ciapier znoŭ adkrytyja, kali źjaviłasia patreba ŭ novych łožkach.

Pabytovyja ŭmovy tam byli žachlivyja. Laškievič vyrašyŭ ich źniać na kamieru, paśla čaho adpraviŭ videa svajmu siabru ŭ Hiermaniju. Paźniej videa było vykarystana ŭ videaroliku adnaho z Youtube-kanałaŭ, pryznanych «ekstremisckimi».

Laškievič u «pakajannym» videa zajaŭlaje, što źjaŭleńnia videa mienavita tam nie čakaŭ, uvohule padtrymlivaje lekaraŭ i navat abiacaŭ akazać dapamohu infiekcyjnamu adździaleńniu.

Niehatyŭnyja fakty, pakazanyja Siarhiejem Laškievičam u źniatym u balnicy videa, takija:

  •  draŭlanyja zbućviełyja vokny pradzimaje viecier;
  •  elektrapravodka vielmi staraja;
  •  ścieny abadranyja;
  •  z razietak tyrčyć niešta niezrazumiełaje;
  •  tempieratura ŭ sanvuźle ŭsiaho tolki + 14;
  •  dźviery na vulicu znachodziacca prosta pobač z pałataj.

Praŭdzivaści źniatych faktaŭ siłaviki nie admaŭlajuć, čałaviek faktyčna paciarpieŭ tolki za toje, što ich zadakumientavaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0