Uładzimir Muniakin asoba ŭ Viciebsku dastatkova viadomaja. Jon niekalki razoŭ anansavaŭ roznyja ambicyjnyja prajekty, adnak usie jany nie atrymali raźvićcia, pakolki byli ad pačatku ŭtapičnyja.

Jak pisała miascovaja presa, u 2012 hodzie byŭ zajaŭleny prajekt «Internet 2» dla zamieny ciapierašniaj hłabalnaj sietki, a taksama «Łakatar-Navihatar» — prybor dla vyjaŭleńnia aŭtamabilaŭ.

U 2013 hodzie jon prapanoŭvaŭ stvaryć u Viciebsku miascovy «Halivud» — pabudavać u miascovym parku Tysiačahodździa zdymačnyja paviljony i 76 elitnych katedžaŭ dla supracoŭnikaŭ studyi.

Na YouTube Muniakin vioŭ kanał «Sacyjalnaja biaśpieka» ź vialikaj kolkaściu padpisčykaŭ. Ciapier hety kanał zabłakavany.

U 2020 hodzie ŭ videarolikach Muniakin abiacaŭ pryniać aktyŭny ŭdzieł u prezidenckich vybarach i navat źbiraŭ hrošy na kampaniju. Pavodle pres-słužby MUS, Muniakin «raspaviadaŭ u svaich rolikach, što zjaŭlajecca ci nie hałoŭnym kankurentam dziejnaha prezidenta Respubliki Biełaruś».

U 2020 hodzie Muniakin vyjechaŭ ź Biełarusi. Milicyja tady paviedamlała, što na jaho napisali zajavy dvaccać čałaviek, u jakich jon nibyta ašukanskim sposabam vymaniŭ nie mienš za 100 000 rubloŭ. Praŭda, sam jon śćviardžaŭ, što prosta pajechaŭ na radzimu ŭ Rasiju z-za situacyi z karanavirusam.

Ale ŭ pačatku śniežnia 2020 hoda HUBAZiK paviedamiŭ, što Muniakin zatrymany na zapyt biełaruskich uładaŭ rasijskaj palicyjaj u horadzie Liski Varoniežskaj vobłaści. Nieŭzabavie jon byŭ ekstradavany ŭ Biełaruś. 

Siońnia Muniakinu vyniesieny prysud. Pavodle kančatkovaha abvinavačańnia, jon machlarskim čynam zavałodaŭ majomaściu 124 paciarpiełych na ahulnuju sumu 14561477 rubloŭ. U vyniku sud Viciebskaha rajona prysudziŭ biznesmienu 6 hadoŭ kałonii ŭzmocnienaha režymu sa štrafam u 150 bazavych vieličyń.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?