Jašče ŭ minułym hodzie imia dyrektarki Muzieja Janki Kupały, jak i inšych śpiecyjalistaŭ u muziejnaj śfiery, prahučała ŭ viadomym tekście Andreja Mukavozčyka, apublikavanym u Sb.by. Jak i inšych kiraŭnikoŭ muziejnych ustanoŭ, jaje vyklikali dla razmovy ŭ viedamstva kultury, dzie spadarynia Alena i vykazała svaju pazicyju. Kiraŭnica admoviłasia zvalniać ludziej, paviedamili krynicy.

Taksama nie byŭ sakretam toj fakt, što žurnalistka Natalla Łubnieŭskaja, łaŭreatka premii Free Media Awards, źjaŭlajecca niaviestkaj Aleny Laškovič. Hety momant taksama moh adyhrać svaju rolu, nie vyklučajuć krynicy.

Dyrektarcy dazvolili dapracavać da kanca hoda, a potym zvolnili pa inicyjatyvie najmalnika.

Alena Laškovič kiravała dziejnaściu Litaraturnaha muzieja Janki Kupały 15 hadoŭ. Za hety čas u muziei i filijałach byli stvoranyja novyja ekspazicyi, adnoj ź pieršych u Biełarusi muziejnaja ŭstanova zadziejničała ŭ ekspazicyjnaj prastory multymiedyjnyja srodki, muziej byŭ inicyjataram šmatlikich prajektaŭ. Tolki za apošnija hady, dziakujučy inicyjatyvie Aleny Laškovič, pamiatnyja znaki ŭ honar Kupały źjavilisia ŭ finskaj Imatry, bałharskaj Pliscy dy słavackaj Bracisłavie.

«Alena Laškovič — adzin z najlepšych dyrektaraŭ muziejaŭ, — kažuć jaje kalehi sa śfiery. — I heta vialikaja pamyłka Ministerstva kultury, zvalniać takoha śpiecyjalista, tym bolš u jubilejny hod Pieśniara».

Alena Laškovič — łaŭreat šmatlikich dziaržaŭnych uznaharod: miedal Francyska Skaryny ŭ 2013-m, padziaka prezidenta krainy ŭ 2016-m, nahrudny znak Ministerstva kultury Respubliki Biełaruś «Za ŭkład u raźvićcio kultury Biełarusi», «Čałaviek hoda ŭ śfiery kultury» ŭ 2017-m. Jak bačym, hetyja ŭznaharody nie akazalisia važnymi, kali prymałasia rašeńnie ab zvalnieńni śpiecyjalistki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?