Pieršy sioleta pažar z hibiellu čałavieka zdaryŭsia ranicaj 1 studzienia: u 05.20 u MNS paviedamili ab uzharańni ŭ žyłym domie pa vuł. Centralnaj u ahraharadku Pastavičy Staradarožskaha rajona Minskaj vobłaści. Na miescy znojdzieny zahinuły 51-hadovy haspadar.
Zatym na vyklik jeździli ratavalniki Asipovičaŭ Mahiloŭskaj vobłaści. U žyłym domie pa vulicy Čumakova znojdzieny zahinuły na pažary 55-hadovy haspadar žylla. Da ŭzharańnia, vierahodna, pryviało nieaściarožnaje abychodžańnie z ahniom.
Na pažary ŭ svajoj kvatery na 1-m paviersie dvuchpaviarchovaha čatyrochkvaternaha žyłoha doma ŭ vioscy Śviacica Lachavickaha rajona Bresckaj vobłaści zahinuŭ 56-hadovy mužčyna.
Ratavalnikam Minskaj vobłaści ŭ 16.52 pastupiła paviedamleńnie ab pažary ŭ kvatery na 1-m paviersie piacipaviarchoŭki ŭ Dziaržynsku pa vuł. Šarko. Rabotniki MNS paśpieli vyratavać žonku haspadara žylla, jana špitalizavanaja z apiokami. Samoha ŭładalnika kvatery znajšli ŭžo zahinułym. Z vyšejraźmieščanych kvater vyratavany 4 čałavieki.
Uviečary 1 studzienia dva čałavieki zahinuli pry pažarach u Viciebskaj vobłaści. U abłasnym centry ŭ kvatery na 5-m paviersie pa vuł. Leninhradskaj ratavalniki znajšli brata haspadara žylla biez prykmiet žyćcia. Taksama znojdzieny zahinułym u svaim domie ŭ vioscy Słabodka-Huščynskaja Ušackaha rajona 61-hadovy mužčyna.
