Źmiena pravił, pa słovach fanataŭ, źviazana «z apošnimi palityčnymi padziejami». Ciapier jany abviaścili ab «strohim bajkocie» lubych matčaŭ «Dynama» na terytoryi Biełarusi — u tym liku nielha chadzić na zvyčajnuju trybunu.
Taksama aŭtary zajavy zaśviedčyli, što «asabistyja adnosiny bolš nikoli nie buduć asnovaj zajaŭ ab družbie tusovak-siektaraŭ-ruchaŭ», a tamu jany razryvajuć sajuz z fanatami maskoŭskaha CSKA: «Na našaj trybunie majuć prava viešać svaje banery našy braty pa kryvi i siabry z «Dynama Brest» i «Maładziečna»! Hetak ža i našy ściahi mohuć źjaŭlacca tolki na hetych trybunach!».
Fanaty zabaraniajuć lubyja dahavornyja sustrečy «u farmacie «strieł», «nakryvov» na terytoryi Biełarusi» i vykarystańnie na siektary simvoliki z kamunistyčnymi vyjavami i savieckim padtekstam.
A ŭsia fanackaja atrybutyka abaviazanaja być na biełaruskaj movie albo jaje viersii na łacincy, «bo nacyjanalnaja mova — padmurak samavyznačeńnia, a my — nichto inšyja, jak avanhard našaj nacyi».
Asobny punkt zajavy — što ŭkrainskija fanaty «i ŭsie varušniaki ź ich błoka — bolš nie źjaŭlajucca nam vorahami».
Fanaty biełaruskich futbolnych kłubaŭ masava abviaščajuć pra bajkot matčaŭ
