«Albo zajava na zvalnieńnie, albo ŭstupleńnie ŭ družyńniki. Dyrektar prosić usich abrać druhoje, bo kadraŭ brakuje», — raskazaŭ «Našaj Nivie» adzin z supracoŭnikaŭ.
Tak vyhladaje kampramisnaja zajava na dałučeńnie da atradaŭ družyńnikaŭ. Adnym z abaviazkaŭ budzie prysiačeńnie pravaparušeńniaŭ i paviedamleńnie pra ich u pravaachoŭnyja orhany.
Pa słovach surazmoŭcy, paśla padpisańnia zajavy ludziej pavinny prymacavać da apornych punktaŭ i ŭ volny čas jany pavinny patrulavać horad.
«Sutnaść, vidać, u tym, kab pakazać, što ludzi pakajalisia i pierajšli na bok uładaŭ. A jašče, mahčyma, hetyja śpisy družyńnikaŭ buduć apublikavanyja, i heta taksama budzie vydatnaj karcinkaj dla ciapierašniaj ułady. Ludzi nie žadajuć dałučacca da družyn, ale mnohija źbirajucca ŭstupić, bo nie chočuć pazbavicca pracy, treba karmić siemji», — kamientujuć surazmoŭcy.
Raniej padobnyja prapanovy pastupali supracoŭnikam Biełaruskaj čyhunki. Kali vam viadoma pra takija ž kiejsy na vašych pradpryjemstvach, paviedamcie pra heta ŭ telehram-bot «Našaj Nivy». Heta ananimna i biaśpiečna.
Staŭ viadomy łajfchak pa ŭładkavańni na rabotu, kali vy «palityčny»
Skandalna viadomy funkcyjanier BRSM Ciuchaj pajšoŭ u «družyńniki». Raskazvaje, jak pieršyja pośpiechi
