Dziaržaŭnaja prahrama ŭklučaje dźvie padprahramy. Pieršaja — infrastruktura Ministerstva ŭnutranych spravaŭ. Milicejskija ŭčastki pavinny adnavić, a ŭ niekatorych rajonach — pabudavać novyja (naprykład, u Pinsku).
Taksama pavinny palepšyć umovy pražyvańnia siłavikoŭ, hramadzianskaha piersanału MUS i ich siemjaŭ. Na hetyja mety ź biudžetu vydzialać bolš za 236 miljonaŭ rubloŭ.
Bolš za 40 miljonaŭ pojdzie na adnaŭleńnie vajskovych častak unutranych vojskaŭ. I 185,5 miljonaŭ rubloŭ — na palapšeńnie ŭmovaŭ dla asudžanych, a taksama palapšeńnie ŭmovaŭ pracy dla siłavikoŭ, jakija zaniatyja ŭ vypraŭlenčaj sistemie.
Naprykład, u 2022 hodzie abiacajuć zdać novy budynak SIZA z balnicaj u Kałodziščach. Izalatar na Vaładarskaha daŭno pavinny byli zakryć, ale ŭžo dziesiać hod ułady nie mohuć skončyć budaŭnictva pad Minskam.
Druhaja padprahrama — mihracyja, na jakuju vydzielać 2,3 miljona rubloŭ.
Apošni hod fiksujecca niehatyŭnaja tendencyja: ź Biełarusi ludziej źjazdžaje bolš, čym da nas pryjazdžaje.
Ale ŭłady dumajuć, što da 2025 hoda zaachvociać pryjechać 20 tysiač pracoŭnych mihrantaŭ.
Kala 384 tysiač rubloŭ ź biudžetu vydzielać na toje, kab kampiensavać pierajezd mihrantaŭ i ich ŭładkavańnie na miescy, heta ŭsiaho 152 tysiačy dalaraŭ na piać hod.
Kala 432 tysiač rubloŭ u prahramie zakłali na vypłaty biežancam, jakija atrymajuć prytułak u Biełarusi (heta 170 tysiač dalaraŭ na piać hod). Zatoje rekanstrukcyja punkta časovaha pasialeńnia biežancaŭ u Viciebsku paciahnuła na 1,5 miljona rubloŭ.
Ahułam na realizacyju dziaržaŭnaj prahramy pad ehidaj MUS vydzialać 465,5 miljona rubloŭ, pa siońniašnim kursie heta kala 185 miljonaŭ dalaraŭ.
Daražej za ŭsio kaštuje adnaŭleńnie milicejskich učastkaŭ, izalataraŭ i palapšeńnie ŭmovaŭ žyćcia siłavikoŭ. Pry hetym siarod ryzykaŭ, jakija mohuć paškodzić vykanać płan, urad nazyvaje niedastatkovy abjom finansavańnia.
Vulica Turemnaja stała Vaładarkaj. Chto taki Vaładarski, z čym imiem asacyjujecca viadomaje SIZA
Žurnalist SB Hładkaja budzie manitoryć umovy ŭ kałonijach. Raniej jana «dapytvała» zatrymanych za palityku
Sieviaryniec: Ašurak uratavaŭ žyćci inšych ludziej, paśla jaho śmierci da źniavolenych stali stavicca pa-inšamu
