Fota z Fejsbuka Siarhieja Fursy
25 śniežnia ŭ sacsietkach źjavilisia fota, na jakich stajać mer Lvova Andrej Sadavy, namieśnik ministra adukacyi Ihar Harbaruk i Kryścina Tyškun — brunietka ŭ čornaj prytalenaj sukiency ź vielmi adkrytym dekalte, piša Bi-bi-si — Ukraina.
Namieśnik ministra pradstaviŭ dziaŭčynu jak svaju pamočnicu.
Harbaruk i Ciškun pryjechali ŭ Lvoŭ, kab pahladzieć, jak pracujuć vučebna-praktyčnyja centry ŭ praftechvučyliščach.
Na fota Kryścina Tyškun paziruje ŭ sukiency ź vialikim dekalte i aholenymi plačyma. Pryčym na nahach u dziaŭčyny — batforty na špilkach, a na šyi — kryžyk.
Na inšym fota Tyškun nakinuła futra.
«Dziaŭčynka z kryžykam», «cyckahiejt», «vy albo kryžyk zdymicie, albo trusy nadzieńcie» — tak źjedliva reahavali sacsietki na hety vobraz.
Karystalniki taksama znajšli ŭ Instahramie Kryścinu Tyškun, tam u jaje akazałasia šmat vielmi śmiełych fota, i pačali abmiarkoŭvać.
«Vaŭ, namieśniki ministraŭ atrymali novuju uniformu! — prakamientavaŭ vyhlad pamočnicy ministra žurnalist Alaksandr Kurbataŭ. — Baču duchoŭnaść i chryścijanskija kaštoŭnaści».
«Pietra, heta ty?» — piša karystalnica Kaciaryna Kunickaja, namiakajučy na niadaŭni skandał vakoł sieryjała Neflich. Ukraincaŭ aburyła, jak vulharna tam pakazali kijaŭlanku pa imieni Pietra.
«Dres-kod mienavita tamu i isnuje, kab paźbiahać takich kanfuzaŭ», — dadała Kunickaja.
Jość i tyja, chto abaraniaje Ciškun. «A možna spytać, u čym mienavita prablema sukienki pryvatnaj asoby?» — cikavicca eks-ministr Dźmitryj Załatuchin.
Tym časam karystalniki paśpieli stvaryć i paru miemaŭ.
Zastajecca niezrazumiełym, ci sapraŭdy Kryścina Tyškun była pamočnicaj palityka. Aficyjnaj infarmacyi pra heta nidzie niama.
Miarkujecca, što dziaŭčyna źjaŭlajecca dyrektaram kampanii BK «Zabudova», jakaja zajmajecca kuplaj i prodažam nieruchomaści.
Taksama miascovyja žurnalisty pišuć, što jana naradziłasia 30 žniŭnia 1994 hoda ŭ Lvovie i źjaŭlajecca jurystam, pamočnikam advakata ŭ advakackim biuro Advisers.
