AHN «Maskva».
Płanaŭ vynosić z maŭzaleja na Krasnaj płoščy cieła Uładzimira Lenina niama. Pra heta zajaviŭ pres-sakratar prezidenta Rasii Piaskoŭ.
«Nie, takich płanaŭ niama», — skazaŭ pradstaŭnik Kramla ŭ adkaz na pytańnie, ci płanujecca vynas cieła Lenina z maŭzaleja da stahodździa z dnia śmierci pravadyra revalucyi, jakoje budzie ŭ 2024 hodzie.
Dyskusija pra vynas cieła Lenina z maŭzaleja idzie ci nie apošnija 30 hadoŭ.
Tak, 13 listapada kiraŭnik adździeła źniešnich carkoŭnych suviaziaŭ Maskoŭskaha patryjarchatu mitrapalit Vałakałamski Iłaryjon zajaviŭ, što cieła Lenina rana ci pozna vyniesuć z maŭzaleja i pachavajuć. Na jaho dumku, toje, što «nabalzamavanaje cieła lažyć u samym centry stalicy», varta ličyć «pieražytkam minułaha». Letaś mitrapalit taksama prapanoŭvaŭ pachavać cieła Lenina, a ŭ maŭzalei adkryć muziej represij.
