Heta vynikaje z danych hazatranspartnaha apieratara Gascade.
«Hazpram» napiaredadni na aŭkcyjonie «na dzień napierad» znoŭ nie zabraniravaŭ mahutnaści dla tranzitu pryrodnaha hazu praz Polšču pa hazapravodzie «Jamał — Jeŭropa» na paniadziełak. Pry hetym mahčymaściu zamović prapampoŭku na paniadziełak na ŭnutrydzionnych tarhach siońnia nočču kampanija taksama nie skarystałasia. Takim čynam, chołdynh užo tydzień admaŭlajecca ad braniravańnia prapampoŭki pa trubapravodzie na nastupnyja sutki.
«Hazpram» pačaŭ źnižać abjom braniravańnia tranzitu hazu pa hazapravodzie «Jamał — Jeŭropa» tydzień tamu, a ź minułaha paniadziełka i zusim nie braniruje mahutnaści prapampoŭki hazu pa hetym trubapravodzie. U vyniku z 21 śniežnia fizičny patok hazu pa hazapravodzie idzie ŭ reviersnym kirunku ź Niamieččyny ŭ Polšču, piša TASS.
Uładzimir Pucin zajaviŭ, što «Hazpram» nie braniruje mahutnaści hazapravoda, bo adsutničajuć zajaŭki z boku jeŭrapiejskich spažyŭcoŭ. Na jaho dumku, reviers dazvalaje jeŭrapiejcam pierapradavać haz, nabyty pa doŭhaterminovych kantraktach.
