«Rasija nikoli pieršaj ni na kaho nie napadała», — skazaŭ Piaskoŭ u adkaz na pytańnie, ci praličvaje Rasija kroki inšych dziaržaŭ.
Akramia taho, jon nazvaŭ «pustym i biespadstaŭnym» nahniatańniem napružanaści paviedamleńni ab tym, što Rasija płanuje ŭvarvańnie va Ukrainu. Rasija ni dla kaho nie źjaŭlajecca pahrozaj, padkreśliŭ pradstaŭnik Kramla. Adnak jon nie vyklučyŭ imaviernaści pravakacyj, kab apraŭdać padobnyja zajavy.
Nahadajem, na pačatku 2014 hoda, paśla Majdana ŭ Kijevie i adračeńnia ad pasady prezidenta Ukrainy Viktara Janukoviča, Rasija z dapamohaj svaich kadravych vajskoŭcaŭ akupavała ŭkrainski paŭvostraŭ Krym. Praź niekalki miesiacaŭ, pry rasijskaj kadravaj padtrymcy i pry ŭdziele rasijskich hramadzian, na Danbasie była raźviazanaja proksi-vajna suprać Ukrainy.
