«Pišu sa špitala. Na 5 sutki suchoj haładoŭki ŭ Viciebskim IČU pačalisia prablemy sa zdaroŭjem. Nyrki, cisk ŭźniaŭsia da 220, spazmy, sutarhi, nievierahodnaja słabaść (u mianie ŭsio ž - 62h). Tak, jak haładoŭku spynić ja admoviŭsia, administracyja IČU vyklikała chutkaju dapamohu i aficyjna źniała ź mianie aryšt. Chutkaja zaviezła ŭ špital, dzie ciapier ja svabodny i pacichu adnaŭlajusia».
Žycharu Połacka prysudzili 25 sutak aryštu za «niesankcyjanavanaje pikietavańnie». Mužčyna piać dzion trymaŭ suchuju haładoŭku i trapiŭ u špital.
Hod tamu mužčyna pafarbavaŭ baćkoŭskuju chatu ŭ vioscy Alošča Połackaha rajona ŭ nacyjanalnyja kolery: namalavaŭ na ścienach dźvie biełyja i čyrvonuju pałosy, a ŭ aknie paviesiŭ Pahoniu. Praz peŭny čas jaho asudzili za heta jak za praviadzieńnie niesankcyjanavanaha pikieta, a potym pahražali kryminalnaj spravaj za złosnaje chulihanstva.
Cikava, što hodam raniej jaho, jak bryhadzira-čyhunačnika, vieterana Biełaruskaj čyhunki, uznaharodzili miedalom «Za pracoŭnyja zasłuhi».