Sud u Łos-Andželesie abaviazaŭ byłoha futbalista «Livierpula» Denieła Starydža vypłacić $30 tys. čałavieku, jaki znajšoŭ jaho źnikłaha sabaku, piša Sky.
U lipieni 2019 hoda nieviadomyja pranikli ŭ dom 32-hadovaha forvarda ŭ Zachodnim Halivudzie, skrali kaštoŭnyja rečy i jaho sabaku — pamieranskaha špica pa mianušcy Lučy. Starydž paźniej u svaim instahramie vykłaŭ post, u jakim paabiacaŭ ŭznaharodu $20-30 tys. tamu, chto viernie sabaku.
Nieŭzabavie sabaku znajšoŭ miascovy muzyka Foster Vašynhton, ale ŭznaharodu Starydž tak i nie vypłaciŭ.
«Kali my znajšli sabaku, ja padumaŭ, što majo žyćcio stanie lepšym», — skazaŭ Vašynhton, dadaŭšy, što zmahaŭsia ŭ sudzie bolš za hod za svaju ŭznaharodu.
«Spadziajusia, jon zapłacić i nie budzie sprabavać abskardzić prysud. Ja ŭ zachapleńni ad hetaha — nie mahu pavieryć, što ŭsio skončana», — zajaviŭ Vašynhton.
