«Upieršyniu idziom na taki vymušany krok. U ramkach pabracimskich adnosin z Kuvardenam, jakija byli ŭstalavanyja ŭ 2000 hodzie, zakładziena niamała dobrych inicyjatyŭ. Na žal, apošnija paŭtara hoda kiraŭnictva horada-pabracima sprabavała vyjści za ramki dziejučaha dvuchbakovaha pahadnieńnia, raspačaŭšy šerah niedružalubnych krokaŭ, uklučajučy «zamarozku partniorskich adnosin z aficyjnym Brestam».
U vyniku — tolki što na siesii haradskoha savieta deputataŭ pryniataje adkaznaje rašeńnie. U najbližejšy čas nakirujem apaviaščeńnie na adras uładaŭ Kuvardena pra «zamarozku» našych adnosin», — paviedamlaje telehram-kanał mera.
Nahadajem, mer niderłandskaha Kuvardena Biert Baŭmiejster adrazu paśla prezidenckich vybaraŭ u Biełarusi 2020 hoda adpraviŭ Alaksandru Rahačuku list z prośbaj sadziejničać demakratyčnym źmienam i nie adkazvać na mirny pratest siłaj. U kancy hoda Kuvardien dasłaŭ bresckim uładam jašče adzin list.
«Pieraaryjentacyja našych pabracimskich suviaziaŭ z palityčnaha punktu hledžańnia stanie niepaźbiežnaj u vypadku, kali žorstkija padaŭleńni nie spyniacca ŭ najbližejšy čas. Ja źviartajusia da vas, Alaksandr Ściapanavič, i da kiraŭnictva Bresckaha harvykankama z prośbaj nie zachodzić tak daloka», — havaryłasia ŭ liście z Kuvardena, jaki staŭ publičnym u śniežni 2020-ha.
Adkazu ni na adzin sa svaich zvarotaŭ ni publična, ni ŭ aficyjnaj pierapiscy niderłandski horad-pabracim nie atrymaŭ.
«Tamu my zamarozili ŭsie damoŭlenaści ab supracoŭnictvie, jakoje da hetaha času prasoŭvałasia davoli paśpiachova. Ale my zastajomsia horadam-pabracimam Bresta, heta značyć, žycharoŭ horada. My partniory bierastaŭčan, a nie ŭładaŭ Bresta, jakija nie ŭličvajuć ich pravy i intaresy», — tak kazaŭ u asabistaj hutarcy z žurnalistkaj z Bresta mer Kuvardena.
