Zhodna z dakumientam, hrašova-kredytnaja palityka ŭ 2022 hodzie budzie nacelena na padtrymańnie inflacyi na ŭzroŭni 6 pracentaŭ.
Pradoŭžycca kantrol za rostam hrašovaha prapanavańnia. Siaredniaja šyrokaja hrašovaja masa pavialičycca na 7-13 pracentaŭ u hadavym vyražeńni, rublovaja hrašovaja baza — na 8-13 pracentaŭ.
Nacyjanalnamu banku pradpisana farmiravać umovy dla kredytavańnia na ŭzroŭni, što daje mahčymaść padtrymać ekanamičnuju aktyŭnaść i nie dapuścić narastańnia sistemnych ryzyk. Pry hetym praduhledžvajecca, što patrabavańni bankaŭ da ekanomiki vyrastuć u 2022 hodzie na 7-11 pracentaŭ.
Kursavaja palityka, jak i raniej, budzie pravodzicca ŭ režymie płavajučaha kursu, jaki farmirujecca pad dziejańniem popytu i prapanavańnia na valutnym rynku. Dapuskajecca praviadzieńnie valutnych interviencyj dla niedapuščeńnia rezkich vahańniaŭ kursu biełaruskaha rubla, a taksama papaŭnieńnia zołatavalutnych reziervaŭ.
Z ulikam abjomaŭ budučych vypłat prahnazujecca, što zołatavalutnyja reziervy na kaniec 2022 składuć nie mienš za $7 młrd.
