Jašče ŭ vieraśni Bloomberg abraŭ niekalki kampanij, jakija mohuć uvajści ŭ S&P 500 u najbližejšy čas. Siarod ich była i kampanija EPAM «jakaja «pieravyšaje paroh rynkavaj kapitalizacyi dla ŭklučeńnia», piša Dev.by.
Rynkavy košt EPAM składaje 33+ miljarda dalaraŭ. Za hod EPAM «padaražeŭ» na 15 miljardaŭ.
S&P 500 — fondavy indeks, u jaki ŭklučanyja akcyi 500 kampanij, što tarhujucca na fondavych biržach ZŠA i majuć najbolšuju kapitalizacyju. Chto ŭ jaho ŭvojdzie, vyrašajuć analityki kampanii Standard&Poor's.
Rašeńni ab źmienie składu indeksa prymajucca nieviadomaj hrupaj supracoŭnikaŭ kampanii-składalnika Standard&Poor's, jana źbirajecca štomiesiac, tamu niemahčyma daviedacca zahadzia, jakija akcyi buduć dadadzienyja. Paśla dadańnia ŭ indeks S & P 500 akcyi kampanij sapraŭdy časta daražejuć, bo indeksnyja fondy abaviazanyja ich skuplać.
Akcyi EPAM miž tym paśla rekordaŭ u listapadzie patańnieli bolš čym na 120 dalaraŭ. U listapadzie na Ńju-Jorkskaj fondavaj biržy maksimalnaja cana akcyi była amal 720 dalaraŭ. Pa vynikach apošnich tarhoŭ košt akcyj skłaŭ 595 dalaraŭ.
