U toj dzień pjany muž pasvaryŭsia z žonkaj, schapiŭ jaje za šyju rukami i dušyŭ nie mienš za 20 siekund. Zatym šturchnuŭ na kanapu, pakłaŭ na tvar padušku i dušyŭ jašče kala 20 siekund. Pry hetym jon pastajanna paŭtaraŭ: «Zadušu! Kali budzieš kryčać, to zadušu! Zadušu tak, što nie padymiešsia», piša mlyn.by.
Paśla hetaha jon vyrašyŭ pazbavić žonku jazyka. Spačatku paabiacaŭ jaho vyrvać — schapiŭ palcami i ciahnuŭ na praciahu 10 siekund. Zatym uziaŭ žančynu za padbarodak, raskryŭ joj rot, ustaviŭ u jaho nažnicy i pahražaŭ adrezać jazyk.
Žančyna atrymała siniaki na šyi, ščace, plačy, kołatuju ranu ślizistaj abałonki ščaki i rvanuju ranu ślizistaj abałonki dna połaści rota. Pa zaklučeńni sudova-miedycynskaj ekśpiertyzy, heta cialesnyja paškodžańni, jakija nie paciahnuli rasstrojstva zdaroŭja i straty pracazdolnaści.
Žančyna źviarnułasia da susiedziaŭ, kab vyklikali milicyju.
Padčas suda mužčyna całkam pryznaŭ svaju vinu i raskajaŭsia. Pry hetym jon zajaviŭ, što z žonkaj užo pamiryŭsia i zahładziŭ pryčynienuju joj škodu.
Sprava razhladałasia pa artykule 186 KK «Pahroza zabojstvam, pryčynieńniem ciažkich cialesnych paškodžańniaŭ, kali mielisia padstavy bajacca jaho ažyćciaŭleńnia».
Čystasardečnaje raskajańnie źmiakčyła adkaznaść abvinavačanaha. Stan ałkaholnaha apjanieńnia abciažaryła vinu.
U vyniku sud pryhavaryŭ mužčynu da adnaho hoda i šaści miesiacaŭ abmiežavańnia voli biez nakiravańnia ŭ vypraŭlenčuju ŭstanovu adkrytaha typu (chatniaja chimija). Maksimalnaje pakarańnie pa hetym artykule — try hady źniavoleńnia.
