Fota Alaksandra Uładyki

Fota Alaksandra Uładyki

U vyniku vyrašyli, što vinavatyja śpiekulanty, jakija stvarajuć ažyjatažny popyt pierad Novym hodam.

Bo pucina na Dalokim Uschodzie pryznanaja paśpiachovaj i nibyta ceny pavinny byli pajści ŭniz.

Biełaruś u trendzie. Blašanka miascovaj ikry «Savjet» u minułym hodzie kaštavała krychu bolš za 15 rubloŭ, ciapier — amal 30, piša Onliner.by.

Daražeje ŭsio. Vyrasła ŭ canie i čyrvonaja ryba. 

Biełaruski vytvorca taho «Cavjeta» («Santa-Bremar») paćvierdziŭ: ceny rastuć.

«Tradycyjna napiaredadni navahodnich śviataŭ rehularnyja paličnyja ceny na hatovuju pradukcyju farmujucca pa vynikach puciny, — raspavioŭ Onlíner namieśnik dyrektara pa zbycie «Santa-Bremar» Jarasłaŭ Bandarčuk. — Łasosievaja pucina — heta vyłaŭ ryby łasosievych parod ciaham leta i pačatku vosieni, kali ryba z mora zachodzić na nierast u reki. Abjom vyłavu ŭ hetuju paru faktyčna supadaje z abjomam rynku na ceły nastupny hod. Košt syraviny ustaloŭvajecca pastaŭščykami ŭ zaležnaści ad kolkaści vyłaŭlenaj ryby. U vypadku deficytu — ceny ŭzrastajuć, u vypadku praficytu — naadvarot».

Usio, što ciapier jość na palicach mahazinaŭ, — heta pucina 2021 hoda.

Za hod (ź listapada pa listapad) aptovyja ceny na čyrvonuju rybu vyraśli na 12%, na čyrvonuju ikru — da 56%.

«Što tyčycca našaj ikry, to pavyšeńnie cany ŭ handlovaj sietcy «Santa» skłała bolš za 50% u adnosinach da listapada 2020 hoda. Hetaje padaražańnie źviazanaje z rostam koštaŭ na syravinu, materyjały i dastaŭku», — udakładniŭ Bandarčuk.

Клас
0
Панылы сорам
0
Ха-ха
0
Ого
0
Сумна
0
Абуральна
0