3 maja sud Pieršamajskaha rajona Minska vynies prysud 18-hadovamu Maćvieju Budnickamu. Jaho pryznali vinavatym pavodle artykuła 342 Kryminalnaha kodeksa i asudzili na dva hady abmiežavańnia voli z nakiravańniem u papraŭčuju ŭstanovu adkrytaha typu — «chimiju». Mienavita takoje pakarańnie prasiŭ prakuror. Pazoŭ na karyść «Minsktransa» (kala 18 tysiač rubloŭ) vydzieleny ŭ asobnuju hramadzianskuju vytvorčaść, paviedamlajuć pravaabaroncy.

Maćviej — student treciaha kursa Minskaha kaledža pradprymalnictva, pracuje ekśpiedytaram. Padčas papiaredniaha śledstva nie znachodziŭsia pad vartaj.

Spravu razhledzieła sudździa Anastasija Kulik, prakuror — Zubko. Advakat — Zachar Ładućka.

Maćvieja Budnickaha pryznali vinavatym u tym, što čaćviortaha kastryčnika na praśpiektach Mašerava i Pieramožcaŭ, a taksama vulicach Prytyckaha, Lubimava, Surhanava, Kalvaryjskaj i Pryłuckaj jon «uziaŭ aktyŭny ŭdzieł u masavym mierapryjemstvie», «dziejničaŭ sumiesna i ŭzhodniena ŭ hrupavych dziejańniach, z vykarystańniem rupara» — pavodle abvinavačvańnia, heta paciahnuła parušeńnie pracy transpartu i pradpryjemstvaŭ. Na Surhanava abvinavačany taksama vyjšaŭ na prajeznuju častku: hetyja dziejańni prypynili pracu hramadskaha transpartu. Prakuror upeŭnieny, što vinavataść paćviardžajecca pakazańniami abvinavačanaha i śviedki, a taksama piśmovymi materyjałami spravy.

«Ja ŭśviedamlaju, što astupiŭsia i pryznaju vinu, — skazaŭ Maćviej u apošnim słovie. — Ja pačaŭ canić kožnaje imhnieńnie i ŭdziačny za padtrymku baćkam i bratam. Prašu nie pazbaŭlać mianie mahčymaści zastavacca karysnym hramadstvu, ja ŭdzielničaju ŭ vałanciorskich prajektach i chaču dalej praciahnuć heta rabić. Prašu dać mnie mahčymaść skončyć navučańnie: nie abmiažoŭvać mnie svabodu i pryznačyć štraf».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?