Litoŭski prezident Hitanas Naŭsieda padčas vystupu na sumiesnym pasiadžeńni parłamientaŭ Polščy i Litvy, prymierkavanamu 230-hadavinie pryniaćcia Kanstytucyi 3 maja, zaklikaŭ razam supraćstajać pahrozam Rasii ŭ dačynieńni da Ukrainy i Biełarusi.

— Chaču padkreślić, što Litva nikoli nie pryznaje niezakonnuju anieksiju Kryma i budzie pracavać nad spynieńniem faktyčnaj akupacyi ŭschodniaj častki Ukrainy. Što b ni zdaryłasia, my nie možam dapuścić, kab Ukraina znoŭ syšła ŭ minułaje.

Pramaŭlajučy ŭ polskim Siejmie litoŭski lidar Hitanas Naŭsieda taksama zajaviŭ, što Rasija namahajecca padparadkavać sabie Biełaruś:

— Važnuju rolu ŭ hetym pracesie maje niebiaśpiečnaja Astravieckaja AES, jakaja pradstaŭlaje niebiaśpieku dla ŭsich žycharoŭ rehijona. Ja kazaŭ i kažu, što my cenim suvierenitet Biełarusi i nikoli nie pahodzimsia z tym, kab enierhietyka stała hieapalityčnaj zbrojaj, jakaja pieratvaryła Biełaruś u zakładnicu kramloŭskaj palityki.

Hitanas Naŭsieda padkreśliŭ, kab krainy rehijona mahli svabodna raźvivać svaje demakratyčnyja pamknieńni, spatrebicca dakładnaje bačańnie Uschodniaha partniorstva Jeŭrapiejskaha Sajuza. Uroki minułaha pakazvajuć, što «pierad tvaram ahresii z boku varožaj siły nieabchodna abjadnacca i mabilizavać ułasnyja siły, pakul nie stała zanadta pozna».

3 maja ŭ Polščy adznačajecca Dzień Kanstytucyi. Ciapier z hetaj nahody ŭ Varšavu dziela pieramovaŭ i ŭdziełu ŭ śviatočnych uračystaściach prybyvajuć taksama prezidenty Łatvii, Estonii i Ukrainy.

Клас
Панылы сорам
Ха-ха
Ого
Сумна
Абуральна