Pavodle zajavy palicyi, rasijskamoŭny sindykat chakieraŭ-vymahalnikaŭ zajaviŭ, što skraŭ kanfidencyjnyja źviestki, u tym liku pra infarmataraŭ.

Kibierzłačyncy raźmiaścili na svaim sajcie ŭ darknecie skrynšoty, jakija paćviardžajuć kradziež bolš jak 250 hihabajt danych.

Padrabiaznaści ŭzłomu byli raskrytyja ŭ paniadziełak palicejskaj upravaj akruhi Kałumbija, jakaja paprasiła FBR rasśledavać «niesankcyjanavanaje praniknieńnie» ŭ jaje kamputarnuju sietku.

Infarmacyi ab tym, što ataka zakranuła jakija-niebudź palicejskija apieracyi, pakul nie pastupała.

Chakierskaja hrupoŭka «Babuk» zajaviła na svaim sajcie, što «spampavała dastatkovy abjom infarmacyi» z bazy danych.

Hrupoŭka dała vašynhtonskaj palicyi try dni na toje, kab źviazacca ź joj, prystrašyŭšy ŭ advarotnym vypadku vydać źviestki złačynnym farmavańniam.

Miarkujučy pa raźmieščanych u internecie skrynšotach, u złačyncaŭ jość dostup da źviestak jak minimum z čatyroch kamputaraŭ, uklučajučy spravazdačy vyviedki, infarmacyju ab kanfliktach pamiž bandami, pierapis źniavolenych.

Palicyja Vašynhtona zajaviła, što surjozna stavicca da pahrozy.

Na tym tydni prezident ZŠA Džo Bajden uvioŭ novyja sankcyi suprać urada Rasii i vysłaŭ 10 dypłamataŭ u adkaz na chakierskija ataki i ŭmiašańnie ŭ vybary.

Клас
0
Панылы сорам
0
Ха-ха
0
Ого
0
Сумна
0
Абуральна
0