gp.by

gp.by

Prakuror Dzianis Mikušaŭ vykazaŭsia, što vina čatyroch žycharoŭ Homiela dakazana całkam. Jon zapatrabavaŭ pakarać Juryja Ułasava — 6 z pałovaj hadami pazbaŭleńnia voli ŭ kałonii ŭzmocnienaha režymu, Dźmitryja Ivaškova i Alaksandra Šabalina — 6 hadami pazbaŭleńnia voli ŭ kałonii ŭzmocnienaha režymu, Taćcianu Kanieŭskuju — 6 hadami pazbaŭleńnia voli ŭ kałonii ahulnaha režymu. 

Advakaty ŭ svaich vystupach zaznačali, što niama kankretnych dokazaŭ viny ich padabaronnych, abvinavačańnie hruntujecca na domysłach, ahulnych frazach i na videa, ź jakoha vynikaje tolki toje, što 5 žniŭnia davieranyja asoby byli na sustrečy sa Śviatłanaj Cichanoŭskaj i abmiarkoŭvali roznyja varyjanty raźvićcia padziej 9 žniŭnia i paśla vybaraŭ.

Advakaty źviartali ŭvahu, što niama dokazaŭ abvinavačańnia ŭ častcy taho, što abvinavačanyja «sprabavali vierbavać byłych siłavikoŭ», «płanavali zachapić administracyjnyja budynki». Kali jany razmaŭlali ź Cichanoŭskaj pra hrošy, to havorka išła pra finansavańnie całkam lehalnaha pikietu, zapłanavanaha na 7 žniŭnia.

Taćciana Kanieŭskaja ŭ apošnim słovie dziakavała ŭsim ludziam, jakija pisali joj listy, u tym liku z-za miažy. Jana atrymała kala tysiačy listoŭ. Jana kazała, što ŭ jaje dziejańniach niama składu złačynstva, nichto nie płanavaŭ zachop budynkaŭ, a sprava — palityčna matyvavanaja i nie abhruntavanaja dokazami. Kanieŭskaja pažadała sudździ «siły, mužnaści i ciarpieńnia», kab vynieści spraviadlivy prysud.

Juryj Ułasaŭ u apošnim słovie kazaŭ, što ŭsie jaho dziejańni nie byli złačynstvam, a byli nakiravanyja tolki na karyść narodu.

Prysud budzie ahučany 3 maja.

Клас
0
Панылы сорам
0
Ха-ха
0
Ого
0
Сумна
0
Абуральна
0