Krychu bolš za 20 tysiač biełarusaŭ majuć stały dazvoł na žycharstva. Padstavaj dla ich vydačy była ŭ asnoŭnym najaŭnaść polskaha pachodžańnia, u tym liku karty palaka, piša «Radyjo Svaboda».

Časovy dazvoł na žycharstva majuć 10 tysiač biełaruskich hramadzian, paviedamlaje polskaje Ŭpraŭleńnie pa spravach zamiežnikaŭ. Pieravažnaja bolšaść biełarusaŭ atrymlivaje jaho ŭ suviazi z pracaŭładkavańniem — kala 70% zajavaŭ.

Z 30 tysiač hramadzian Biełarusi, jakija majuć karty:

  • 64% — ludzi va ŭzroście ad 18 da 40 hadoŭ,
  • 25% — starejšyja za 40 hadoŭ,
  • 11% — dzieci i padletki da 18 hadoŭ.

Niaznačna pieravažajuć mužčyny — 16,9 tysiač (55%), u paraŭnańni z 13,5 tysiač žančyn.

U hetuju ličbu nie ŭvachodziać biełarusy, jakija časova znachodziacca ŭ Polščy na padstavie vizy, a taksama tyja, chto maje dazvoł na časovaje pražyvańnie, termin dziejańnia jakoha byŭ časova padoŭžany ŭ suviazi z epidemijaj karanavirusu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?