Minsk-naviny

Minsk-naviny

— My pradbačym hetuju situacyju i razumiejem, što niekalki paliklinik, naprykład, u našym Zavodskim rajonie, nie zmohuć spravicca ź vialikim patokam pacyjentaŭ, jakich nieabchodna vakcynavać, — raspaviała hałoŭny doktar 21-j centralnaj rajonnaj palikliniki Natalla Myśliŭčyk. — Tamu ciapier pracujem na pierśpiektyvu.

Jość damoŭlenaści z administracyjami niekalkich bujnych handlovych abjektaŭ. Jany pradstaviać płoščy dla arhanizacyi pryščepačnych punktaŭ.

Usio zrobim jak maje być — z ulikam usich patrabavańniaŭ sanitarna-epidemijałahičnaj słužby. I tady zmožam pryvivać davoli vialikuju kolkaść ludziej u dzień.

— Nakolki ja razumieju, dla arhanizacyi takoj maštabnaj pryščepačnaj kampanii spatrebicca šmat miedycynskich rabotnikaŭ. Dzie vy ich voźmiecie? Zabieracie z paliklinik?

— Dla pracy ŭ pryščepačnych punktach pryciahniem vałancioraŭ.

— Ź miedycynskaj adukacyjaj?

— Nieabaviazkova. Vałanciory buduć dapamahać zapaŭniać ankiety, vieści ŭlik pacyjentaŭ, vykonvać inšuju arhanizacyjnuju pracu, jakaja nie patrabuje najaŭnaści miedycynskaj adukacyi. A daktary, fielčary, miedsiostry stanuć rabić svaju pracu. Vieru, razam my spravimsia ź lubymi nahruzkami.

I ŭ Savieckim rajonie zadumalisia, jak zabiaśpiečyć dastupnaść vakcynacyi nasielnictva ŭ ahladnaj budučyni.

— Razhladajem roznyja varyjanty: Kamaroŭski rynak, CUM i inšyja, u jakich majucca punkty zdaroŭja, — kaža namieśnik hałoŭnaha doktara pa arhanizacyjna-mietadyčnaj rabocie 34-j centralnaj rajonnaj kliničnaj palikliniki Savieckaha rajona Vadzim Kaściukoŭ. — Biarom u raźlik i handlovyja centry.

«Ciapier žycharam stalicy niazvykła budzie daviedacca, što pryščaplać ad karanavirusnaj infiekcyi buduć nie tolki va ŭstanovach achovy zdaroŭja, ale i na płoščach handlovych abjektaŭ. Tym nie mienš heta praŭda. Za miažoj pad časovyja pryščepačnyja punkty spartyŭnyja zały addajuć. I ŭsio dobra!» — kaža V. Kaściuhoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0