Kolkaść infikavanych karanavirusam «zanadta vialikaja», a zahružanaść adździaleńniaŭ intensiŭnaj terapii znoŭ raście, skazała kancler Niamieččyny Anhieła Mierkiel.

«Treba skazać, što treciaja chvala stała samaj ciažkaj dla nas», — adznačyła jana na adkryćci Mižnarodnaj pramysłovaj vystavy ŭ Hanoviery (cytata pa Die Welt).

Sa słoŭ Mierkiel «samaj važnaj zbrojaj u baraćbie z pandemijaj» zastajecca vakcynacyja, u toj čas jak testavańnie na COVID-19 dapamahaje ŭładam «pabudavać most» nasustrač narmalizacyi.

Kolkaść infikavanych karanavirusam u Hiermanii pačała raści ŭ pačatku sakavika. Kali ŭ pačatku taho miesiaca ŭ FRH za sutki vyjaŭlali ad 5 tys. da 11,3 tys. infikavanych, dyk da 7 krasavika pakazčyk vyras da 30,3 tys. čałaviek, vynikaje sa źviestak Univiersiteta Džonsa Chopkinsa. Usiaho ad pačatku pandemii ŭ Hiermanii zarehistravali bolš za 3 młn infikavanych karanavirusam, pamierli ad zachvorvańnia 78,5 tys. čałaviek.

Jeŭrakamisija abviaściła ab pačatku treciaj chvali karanavirusa ŭ Jeŭropie 19 sakavika. Tady ministr achovy zdaroŭja Hiermanii adznačaŭ, što «ŭ Jeŭropie jašče niedastatkova vakcyny, kab spynić» novy rost infiekcyi.

Usiaho ŭ Jeŭropie ŭchvalena vykarystańnie čatyroch vakcyn suprać karanavirusa — heta preparaty ad amierykanskich kampanij Pfizer, Moderna i Johnson & Johnson, a taksama brytanska-šviedskaj AstraZeneca.

Ułady ES płanavali pačać masavuju vakcynacyju, jakaja, jak mierkavałasia, dazvoliła b pastupova viarnucca da narmalnaha žyćcia, z pačatku hetaha hoda. Adnak paŭnavartasnaj realizacyi pryščepačnaj kampanii pieraškodziŭ niedachop vakcyny — z roznych pryčyn farmkampanii nie zmahli pastavić patrebnuju kolkaść doz.

Клас
0
Панылы сорам
0
Ха-ха
0
Ого
0
Сумна
0
Абуральна
0