Schod akcyjanieraŭ BPS-Śbierbanka adbyŭsia ŭ kancy sakavika. Tady ž byŭ abnoŭleny skład rady.

Novym kiraŭnikom naziralnaj rady abrany Cimur Kozincaŭ — staršy vice-prezident rasijskaha Śbierbanka, kantralujučaha akcyjaniera BPS-Śbierbanka z dolaj u 98,43%.

Tut.by

Tut.by

U radu taksama ŭvajšli inšyja kiraŭniki maciarynskaha banka, byłyja top-mieniedžary BPS-Śbierbanka, Nacbanka i rasijskich bankaŭ.

Pradstaŭnikom biełaruskaj dziaržavy staŭ namieśnik staršyni Dziaržkamiteta pa majomaści Mikałaj Babior.

Prakapovič z 1996 hoda byŭ namieśnikam kiraŭnika Administracyi prezidenta i pieršym namieśnikam premjer-ministra. Z 1998 pa 2011 hod kiravaŭ Nacbankam. U 2006 hodzie byŭ udastojeny zvańnia Hieroj Biełarusi (za pracu ŭ bankaŭskaj sistemie Biełarusi). Pry hetym na čas jaho kiraŭnictva rehulataram pryjšłasia denaminacyja, bujny finansavy kryzis i dźvie devalvacyi.

U krasaviku 2011-ha stała viadoma, što Prakapoviču była zroblena składanaja apieracyja na sercy. U červieni 2011 hoda jon byŭ adpraŭleny ŭ adstaŭku z pasady kiraŭnika Nacbanka «pa stanie zdaroŭja». 18 lipienia 2011 hoda aficyjna adpraŭleny na piensiju. Adnak praz hod znoŭ apynuŭsia zapatrabavany — 17 žniŭnia 2012 hoda pryznačany pamočnikam prezidenta Biełarusi i vykonvaŭ hetyja funkcyi da 18 studzienia 2013 hoda, paśla čaho zaniaŭ pasadu vice-premjera. Vyzvaleny ad hetaj pasady 27 śniežnia 2014 hoda. 3 krasavika 2015 hoda abrany staršynioj naziralnaj rady BPS-Śbierbanka.

Клас
0
Панылы сорам
0
Ха-ха
0
Ого
0
Сумна
0
Абуральна
0