Volha Chižynkova za 42 dni źniavoleńnia nie atrymała nivodnaha z dasłanych joj socień listoŭ. A žychary vioski Kopišča Minskaha rajona zładzili ekśpierymient: pasłali adnaviaskoŭcu-sutačniku 14 listoŭ z kryžavankaj. Dastavili jamu tolki 3.

Pra heta raskazaŭ žychar Kopišča Hleb Iljuška, jaki vyjšaŭ na svabodu 24 śniežnia. 

33-hadovy Hleb siadzieŭ u IČU Baranavič. Jaho zatrymali 29 listapada ŭ minskim Uruččy.

«Heta listy, jakija ja atrymaŭ na sutkach. Ich šmat. Ale, jak vyjaviłasia, heta małaja častka taho, što mnie dasyłali ludzi, — kaža jon.

— Bolšaść listoŭ prosta nie pieradali. Jak i bolšaść listoŭ, jakija ja dasyłaŭ u adkaz, nie prapuścili. Chacia tam i nie było ničoha kramolnaha. Jak prykład, susiedzi z našaj vioski skłali dla mianie admysłovuju kryžavanku i, kab jana dakładna da mianie trapiła, vysłali 14-ciu listami. Dajšło tolki 3 ekzemplary. Mianie pierapaŭniaje kryŭda ad taho, kolki było zmarnavana! Tamu ja raju ŭsim, chto maje adpravić svoj list źniavolenamu, pierad adpraŭleńniem zrabić jaho fotakopiju. Navat kali vašaje paviedamleńnie nie trapić da adrasata, jon ci jana zmoža pračytać jaho, užo vyjšaŭšy na volu, i atrymać zarad vašaj pazityŭnaj enierhii. Pišycie źniavolenym, heta dla ich važna!» — piša «sutačnik».

A voś taja samaja kryžavanka:

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?