Zatrymanyja supracoŭniki Pres-kłuba zastajucca pad vartaj. Takaja miera strymańnia abranaja Hienieralnaj prakuraturaj. Pra heta Tut.by paviedamiŭ advakat Anton Hašynski.

Pad vartaj zastajucca stvaralnica Pres-kłuba Julija Słuckaja, prahramny dyrektar Ała Šarko, finansavy dyrektar Siarhiej Alšeŭski, kiraŭnik Akademii Pres-kłuba Siarhiej Jakupaŭ, apieratar Piotr Słucki.

Jany znachodziacca ŭ statusie padazravanych pa kryminalnaj spravie pa častcy 2 artykuła 243 KK (Uchileńnie ad vypłaty padatkaŭ u asabliva bujnym pamiery).

Siońnia ŭsich zatrymanych dapytali ŭ Departamiencie finansavych rasśledavańniaŭ KDK.

Jak raspavioŭ Anton Hašynski, u dačynieńni da ich abranaja miera strymańnia ŭ vyhladzie zaklučeńnia pad vartu. Jany buduć znachodzicca ŭ SIZA.

— Dalej kryminalnaja sprava pavinna być pieradadziena ŭ Śledčy kamitet, jaki na praciahu 10 dzion vyrašyć pytańnie ab vystaŭleńni abvinavačvańnia.

Клас
Панылы сорам
Ха-ха
Ого
Сумна
Абуральна