Vam užo prapanoŭvali admovicca ad płastykavaj trubački pry zamovie haziroŭki? MakDonalds uziaŭ kurs na zachavańnie navakolla i admovy ad płastyku i ŭžo davoli šmat zrabiŭ u hetym kirunku. Što mienavita — raskazvajem.

Fota Depositphotos.com

Fota Depositphotos.com

Płanujecca, što ŭsia ŭpakoŭka, jakuju vykarystoŭvajuć dla praduktaŭ va ŭsich restaranach MakDonalds pa ŭsim śviecie, da 2025 hoda budzie vyrablacca tolki z adnaŭlalnych, pierapracavanych i siertyfikavanych materyjałaŭ. Užo ciapier karparacyja prajšła 60% šlachu ŭ hetym kirunku.

Siońnia ŭ MakDonalds u Biełarusi 100% papiarovaj i kardonnaj upakoŭki vyrablajecca ź pierapracavanaj i siertyfikavanaj syraviny biez škody lasam.

Pastaŭščyki kampanii vykonvajuć patrabavańni mižnarodnaj siertyfikacyi klučavych bijaresursaŭ. Pastaŭščyki ryby i morapraduktaŭ trymajucca standartaŭ MSC — mižnarodnaj arhanizacyi, što vyrašaje prablemy praźmiernaha vyłavu, jaki spustašaje suśvietnyja rybnyja zapasy.

Kava, jakuju hatujuć u MakDonalds, vyraščanaja z kłopatam pra navakolle i pra ludziej, jakija pracujuć na vytvorčaści. Heta paćviardžajuć mižnarodnyja siertyfikaty UTZ i Rain Forest Alliance, a taksama karparatyŭnyja aŭdyty pastaŭščykoŭ.

Sioleta ŭpakoŭku marožanaha MakFłury Area źmianili tak, kab płastykavaja nakryŭka była nie patrebna. Heta dazvoliła skaracić kolkaść adchodaŭ amal na dźvie z pałovaj tony płastyku.

Cacki z novych kalekcyj «Chepi mił» ciapier taksama traplajuć u ruki dzietak u papiery. Heta skaraciła kolkaść płastyku (hnije ad 100 da 500 hadoŭ) jašče na tonu.

Z dvaccatych dzion śniežnia ŭ MakDonalds na Prytyckaha, 28 naviedvalnikam prapanujuć nie brać płastykavuju trubačku da chałodnaha napoju.

Ale ich pakul praciahvajuć vydavać pa zmoŭčańni na MakDrajv, dastaŭcy, da napojaŭ dla maleńkich dziaciej u «Chepi mile» i ŭ zamovach navynas.

Rašeńnie admovicca ad płastykavych trubačak u apošniuju dekadu śniežnia tolki ŭ adnym restaranie sietki dazvolić MakDonalds skaracić vykarystańnie płastyku bolš čym na 50 kiłahramaŭ da kanca hoda.

A sa studzienia ŭ restaranach haściam prapanujuć papiarovyja trubački, što razam z zamienaj bolšaj častki płastykavaj upakoŭki na papiarovuju abo draŭlanuju dazvolić skaracić vykarystańnie płastyku bolš čym na pałovu.

Makdonalds — najbujniejšaja sietka hramadskaha charčavańnia ŭ śviecie, u jakuju ŭvachodzić bolš za 38 000 restaranaŭ u 120 krainach.

Клас
Панылы сорам
Ха-ха
Ого
Сумна
Абуральна