Zasnavalnicu miedyjaarhanizacyi Press Club Belarus Juliju Słuckuju zatrymali ŭ aeraporcie pa prylocie ŭ Minsk.

Viadoma, što pieratrusy pravodziacca ŭ kvaterach u mieniedžaraŭ Ały Šarko i Siarhieja Alšeŭskaha.

Taksama siłaviki pryjšli ŭ ofis arhanizacyi.

Kala kvatery prahramnaj dyrektarki «Pres-kłuba» Ały Šarko, dzie adbyvajecca pieratrus, zatrymali namieśnika hałoŭnaha redaktara «Našaj Nivy» Andreja Skurko, reparcerku «Anłajniera» Taćcianu Ašurkievič i žurnalista Antona Mardziłoviča. Paźniej ich adpuścili.

Advakat Siarhiej Zikracki adziny, chto zastajecca la kvatery Ały Šarko.

Paśla taho, jak zatrymali žurnalistaŭ, z kvatery vyvieli prahramnuju dyrektarku «Pres-kłuba» Ału Šarko. Jaje viazuć u Departamient finansavych rasśledavańniaŭ na Kalvaryjskuju.

Pres-Kłub — miedyjaarhanizacyja, jakaja ładziła treninhi, majstar-kłasy, pravodziła manitorynhi pracy ŚMI.

Julija Słuckaja — zasnavalnica i staršynia Pres-Kłuba. U žurnalistycy z 1994 hoda. Skončyła fiłasofski fakultet BDU, da taho, jak pryjšła u miedyjaśfieru, pracavała sacyjołaham. U 1995-2006 — hałoŭny redaktar «Kamsamolskaj praŭdy ŭ Biełarusi». U 2007-2010 — hałoŭny redaktar «Jeŭrapiejskaha radyjo dla Biełarusi», z 2011 h. — zasnavalnica i dyrektar infarmacyjnaha ofisa «Biełaruś u fokusie».

Клас
0
Панылы сорам
0
Ха-ха
0
Ого
0
Сумна
0
Абуральна
0