Rost śmiarotnaści ŭ Rasii z krasavika da kastryčnika 2020 hoda proci 2019 hoda skłaŭ 164 057 čałaviek.
Heta vynikaje ź ličbaŭ Rasstata.
Imavierna, hetaja ličba blizkaja da realnaj śmiarotnaści ad karanavirusa. Pa aficyjnych źviestkach, u Rasii ad kavidu pamierła 47 tysiač čałaviek, abo ŭ 4 razy mieniej.
Miarkujučy pa ličbach pavyšanaj śmiarotnaści, u Rasii ad kavidu pa stanie na kaniec kastryčnika pamierła bolš za 0,11 % nasielnictva. A sychodziačy z taho, što navukoŭcam viadoma pra karanavirus, heta aznačaje, što na kavid pierachvareli kala 24 miljonaŭ rasijan.
Śmiarotnaść ad karony ŭ Rasii, takim čynam, idzie na ŭzroŭni samych zakranutych pandemijaj krain.
U adroźnieńnie ad Rasii, źviestki pra śmiarotnaść u Biełarusi ŭ 2020 hodzie nie publikujucca, choć u minułyja hady jany publikavalisia rehularna.
Sa statystyki, pieradadzienaj Biełaruśsiu ŭ AAN, stała viadoma, što ŭ druhim kvartale 2020 hoda pavyšanaja śmiarotnaść u našaj krainie skłała 5605 čałaviek, što ŭ 14 razoŭ razychodzicca z aficyjnaj statystykaj achviar kavidu za toj ža pieryjad. Ni Minzdaroŭja, ni Alaksandr Łukašenka nijak nie prakamientavali hety ŭsplosk śmiarotnaści.
